多倫多一天之旅 - 驚險篇

黑仔。由 Toronto 回程返 New York 一直好順利，海關唔使排，天氣好，無塞車。


早上八點出發，兩點食完 lunch，見仲有四個小時便到，心情都開朗。



誰知揸揸吓， "Dondon，踏極油門都唔去嘅？"    越行越慢，立即打壞車燈 UT 吓 UT 吓 UT 去路邊。

一開車門好大陣油味，原來漏油。




拿了電話 GPS 銀包 Nexxus，立即行開幾十呎 call AAA。


因為喺 Pennsylvania 一個小鎮，竟然話星期日啲 service center 唔開。打比 insurance 公司，佢哋搵到個拖車公司，要等 45 mins。

原來喺 highway 我哋係開得咁快。唔喺路邊都感受唔到，啲車經過個心都離一離。

叫 Dondon 唔好背住啲車同唔好行咁出佢又唔聽，話唔會有車撞埋嚟。意外就係意外，有 0.0000001％ 機會發生的我們都應小心。不過又係嗰句，人人觀點不同，Dondon 你鍾意就企出去啦。





拖車到！

同 Dondon 爭坐車頭


比佢爭贏。



呢啲機械車好令我著迷。㩒吓拉吓咁就成架車搬咗上 truck。





運返去拖車公司，比了 $25 話幫我哋睇吓整唔整到。結果唔得，咁又比佢袋咗 $25。

原來係 gas tank 上面嘅 pipe 爆了，要去返啲 dealer 度整。但因星期日無人開，架車要喺拖車公司借宿一宵。


好特別的拖車公司。唔知點解令我諗起啲美國鎮仔裡面，殺人狂就係住呢啲地方。

放低架車後我哋要叫部的士去機場租車。

都要成半小時才到 local airport。$80, outside NY city 咁嘅價錢都 OK。



小鎮機場很好笑。Budget, Enterprise, Avis, National, Hertz，幾間租車 competitors 竟然同一個女人負責哂。



機場比間 IKEA 還小。


拿了車。


又要楂返半個鐘返間拖車公司搬返啲行李上租車

搬嘢又係 Dondon ，病都係咁話。




未完事架，揸多四小時要回 1K unload 所有行李。

之後要揸返架租車去機場還車。租五小時 $95。


還完車已是半夜十二點了，我咁孤寒都叫的士，Dondon 竟然話搭巴士當係拍吓拖。我無你咁浪漫呀 Dondon，我星期五已經無瞓，今日又由朝頻撲到晚。

結果搭的士去 Flushing 食晚餐，再"拍拖" 用 15 mins 行返 1K，沖完涼上床已經一點幾。

What a day 但我哋兩個都好回味。

下星期又再租車去 PA 接返架車(如果整好的話)。好嘢，個個禮拜都有節目。

(收到 Dondon email - "Oh shoot, mechanical breakdown is not covered by my insurance. So whatever the damage is with Mr Baja, I will have to pay for it myself." ) 唔怕唔怕，我比我比。