搞足成朝。哈哈，細佬都仲係香港未上機。我聽日要返工無時間準備，唯有提早今日煮定先。希望d食送一日之後入味d喇。
買得一磅牛腩咋。我都唔識揀點至係靚既牛腩。白色個塊咩黎架？
蘿蔔我有上網學點揀，重身就好。呢個都好似幾好。
又係上網羅食譜。又開又熄個火，再加冰糖，兩個鐘就有好淋既牛腩勒。
落重料既羅宋湯 - 牛輾，紅蘿蔔，蕃茄，西芹，薯仔，蒜頭，紅聰頭，粟米，紅菜頭，青豆。下次唔好落太多粟米，陣粟米味太大喇。
主角出場 - 醃足兩日既雞翼。好彩無犯翼王大忌 - 雞皮黐鑊。細佬話食雞唔食皮，做人仲有咩樂趣哩？
好開心呀。聽晚接完機我一定係呢道寫低個過程既。
好開心，我細佬星期一就到紐約喇。細佬係我一生最緊要既人，真係無任何人或事比佢更重要。我希望佢黎到呢個月會開開心心，解決晒d問題。
之前大把野要準備 - 羅錢，買gift card, 配門匙，洗衫，洗床鋪，洗被，連sofa套都洗埋，仲要執好個恐怖衣櫃。又要買定支裝可樂，Snapple, Tropicana, 唯他lemon tea, 豬肉鬆，牛肉乾，介辣青豆，最抵死係我要開始整定炆雞翼，籮白牛腩同煲定羅宋湯。我想d牛腩淋d，湯入味d，而雞翼要最少醃兩日係我細佬 - 雞翼王既最低要求。
雞翼王曾經誇口話自己可以食出醃一日同醃兩日雞翼味度既分別，亦催虛過自己已經試過晒"一百種雞翼煮法"。
哪，如果到星期一d野壞晒唔關我事架。
幣，大家有無見到中間隻雞翼有少少地方無醃到呀？唔知翼王會唔會退貨哩？
姨甥女六歲生日，晌Pump It Up攪生日會，好多小朋友到。我同噹噹由New York楂去Boston就係得登為佢。幸福到丫。我意思係我幸福呀。噹噹楂足四個鐘頭車送我去，沿途仲要食佢至憎既老麥。去到成十一點，仲肚屙添。不過佢知我開心佢完全唔介意，我好感動，亦好膽心佢會有變既一日，係咪諗得多得濟呢？
小朋友排隊準備去跳彈床。
晌地下至大個份我送架，係個電子結他。嘻嘻，咁嘈，佢呀媽曾死我呀。
今日同噹噹去MacNeil Park釣魚。我地好樂觀咁計劃晒點煮d魚。。。清蒸啦，煲粥啦。。。結果。。。。
結果。。。。
哈，係買既。
之前去Flushing食午飯。湖南菜，唔知係乜東東，總知係辣。
辣炒豬頭肉
麻辣麵
臭豆腐
今日好開心，一早噹噹黎車我去買野燒烤。蟹仔只係 US$3.5有半打，無咁新鮮既仲$1.75 添呀。跟住去Manhattan接埋Celine。出發!
Harriman Park 離New York City大概個零鐘頭。平時晌City真係好少見到大自然風景，今日仲睇到foliage, 我諗下個星期應該仲靚。沿途好多人行山, camping, 釣魚 踏單車。揀左停晌Sebago Beach，唔係太多人，幾好。
噹噹唔使10分鐘就set好個爐。第一件事燒粟米同蕃薯。
可憐既蟹被監生熱死。
三個人唔食得咁多野 -
食完，執好晒野準備走人。哈，點解好似漏咁D野咁既呢？哎呀，帶個支魚杆完全唔記得去釣魚喎。下次下次。
New York 晌夏天周不時都係周末block幾條街比人set 檔賣野。星期日咁岩比我同Dondon 遇到一個。睇怕呢個都係今年最後既 street fair 囉。
講真就無咩好野買，不過迫下都幾過癮。
岩晒小朋友既大滑梯 。
嘩，好多車呀。
粉紅色既爆谷車。
大肉腸包包，成$9個，唔平架。
好醜樣既大肉腸同串燒。
炸蝦炸蟹餅炸魚。
漏到唔漏既批，咪搞我。
泰式奶茶，都係港式好飲0的。
泰式小食。
雞0沙0爹，唔夠0諗。0的0沙0爹醬就幾好味。
我最喜愛既大大個燒粟米!
行完再同Dondon去happy hour. 啤酒只係$3 支，cocktail 都係$4 杯咋。Dondon 再整多個nacho 加牛扒，犀利犀利。
備註 - 羅住串燒個隻手唔係我架，我既指甲剪得靚好多架。
