閉關一周

講左成年話去考notary public，一直的唔起心肝，次次櫪起本書就魂遊，再加上我怕輸怕失敗既性格，結果拖下拖下就一年。老細終於忍唔住追問我究竟幾時考，無得避喇。。。

呢個星期同Dondon請假，放工唔過1k煮飯，要努力讀書。另外Dondon d 表姐仲係度，可以照顧Dondon晚餐。

Big Daddy好好，鼓勵我話個exam會好易。但我確係覺得好難喎，仲越睇越唔明 -

" Except as provided in subdivision three of this section，official certificates and other acts heretofore or hereafter made or performed of notaries public and commissioners of deeds theretofore or hererafter and prior to the time of their acts appointed or commissioned as such shall not be deemed invalid，impaired or in any manner defective，so far as they may be affected，impaired or questioned because of defects described in subdivision 2。"

嘩，乜黎架？好似個個字都識，放埋一齊就變到一頭冒水。     我要加把勁溫習先得喇。

Dondon琴日開始病，食乜屙乜，非常可憐。我銷假一天煮左冬菇搖柱肉碎粥比佢食。

如果下星期三考試合格我實開香檳慶祝，祝我好運!

表姐到

星期六Dondon兩個表姐同佢地兩個細路由三藩市黎NewYork 玩一個禮拜。

Dondon父母好早黎美國，Dondon就交比係廣州婆婆湊，Dondon哥哥就係上海既姑媽照顧，所以佢係同呢兩個表姐一齊長大。

首先講下兩個表姐背景 - 佢地一直係上海住。數年前細表姐忽然用學生身份飛去三藩市。書就無讀，不過同個已婚男人生左個仔。佢好快邏到綠卡，原來同個南美人假結婚。再申請埋大表姐一家黎 (以上8掛資料由Dondon提供)。

食完餃子做lunch接機去!

今次4位來賓都全程由Dondon照顧 - 接機，放抵佢地，再去買盆菜。夜晚餐盤菜好正! 有蘿蔔，雞，燒鴨，燒肉，乳豬，蝦，蟹，龍蝦，蠔豉，花膠，海參，西蘭花，冬菇，魚翅，鮑魚，髮菜，紹菜，魚蛋等等。10 人份量，US$300，唔錯! 當然Dondon比錢喇，佢慳檢大佬打死都唔會出錢。

有趣的表姐們大帶比Dondon既手信 - 二手棉被一張! 仲要係有一躂躂啡色。

夜晚再車佢地去1k過夜，Dondon就搬黎我6k過一晚。第二朝煮粥同炒公仔麵。加支啤酒。

睇下幾豪 - 粥底有一粒乾搖柱兩粒蠔豉架

食完返1k搵表姐。細表姐個仔一歲大，得意到呢。個樣好傳統國內兒童look。塊面紅扑扑，頭髮後面留左條尾巴。

食粥做lunch唔夠飽，整兩個公仔麵比Dondon先。

頭兩日就係咁勒，唔知跟住個禮拜會點呢？

 

祝我所愛的人開心，平安

Dondon接機時買左花，仲有買埋我最鍾意既大糯米滋。一定係怕我岩岩離開屋企人唔開心。好彩有Dondon，如過唔係我實要喊足成個禮拜。今次喊一晚好喇。

休息一日後完全無jetlag，成日精精神神，真好。本來諗住一放工返6k休息，見咁有精力就去1k幫Dondon煮飯。Dondon係我返左香港個兩個禮拜食左幾日pizza，另外用slow cooker煮左corn beef 同雞，食足十日，都幾陰功。我煮飯雖然渣，但係起碼日日新鮮 (日日甘)。

3/24/2011 THURSDAY DINNER

咖哩牛肉飯

蝦米蒸蛋

魚片雜菜湯

緬甸地震，聽到好驚，因為細佬老婆琴日飛左去個度開會，膽心死我。打比細佬，好彩原來佢係仰光，離地震區好遠。我家人對我太重要，無左任何一個我都生存唔到。

今日睇到冬冬的女兒係冬冬個blog度講出自己感受。可說是公說公有理，婆說婆有理，我呢個外人都係唔好比任何意見。我只希望兩母女快些解決問題，因為我最唔想見到冬冬唔開心。我明白當你好愛一個人，對方一句小小既說話真係可以傷得佢好深。

3/25/2011 FRIDAY DINNER

蠔油麵

蠔仔炒蛋

西芹炒潤腸

香港 - 又長又CHUM篇

短短兩個星期霎下眼過去了。今次香港之旅的重點 -

第一次見姪女SY，第一次見屋企條可愛炎蛇仔

參加朋友Jennifer婚宴

睇寶貝姪仔BY宣誓做童軍

見親戚朋友 - Joanna 同佢兩個仔，Daisy，Emma，Grace，Christine，Ceci，Betty，Polly，Sasa，叔叔，2舅父母，5舅父母，細舅父，陳太，朱叔叔，4婆

 

買fatty介紹既大光酥餅

同爸爸去花卉展

打左四次邊爐同食左好多餐飯

行左5日花園街，一次荔枝角，一次鴨寮街，仲有中環，銅鑼灣，無數次九龍城，買左好多好多衫及Hello Kitty野。

一定要提就係同冬冬打邊爐。再見到偶像依然令我心跳加促。極開心既相聚，但又帶住內疚 ： 大禮物 - 我收；笑話鬼故歷史 - 我聽；食物 - 我清；酒 - 我邏；利是 - 我袋；搭車 - 我比冬冬送；冬冬超性感寫真 - 我睇；唯一唔係我既 - 埋單! 冬冬呀，下次你比我付出少少喇 I LOVE YOU!

ADDED ON 3/28/2011 -

大件事!!! 我唔記得係篇回港blog度提到女女整既曲奇!!! 請幫我多謝你女女!

今晚係Dondon道食chips ahoy，突然醒起 "o下，上次係邊道食過d好味好多既餅呢？" 諗左好耐至諗起係女女出品。何其忘因付義! 我食得兩塊咋，比姪仔and 細佬搶晒。

多謝!

本來仲想拜會fatty 同 teacher，但係我又怕醜，希望遲d有機會。

今次仲目睹日本海嘯悲劇。期望日本人快D收拾心情，重建家園。做香港人實在幾幸運，我地由細到大都無點遇到嚴重天災人禍，真的要好好珍惜。