世風日下

一打開報紙，大部份都係關於非禮外遇性騷擾。似乎要打擊一個男人嘅事業，破壞佢哋家庭真係唔難。

雖然我相信傳媒的神通廣大 + 貪心古惑的律師令呢類新聞廣為人知，但睇完都係心噏噏。

Dondon 曾經話男人好色是天生的，不能控制。但係生活係個文明社會唔可以"想做就做", 無自制能力, 唔尊守法律的話社會就大亂。

其實會唔會無咗一夫一妻嘅制度天下會太平一點？



11/29/2011 TUESDAY DINNER
雞柳韭王，蒸蛋，榨菜豆腐蝦米粉絲湯。

多倫多第三天 - 生日

今年生日好開心，因為可以同家人 - 姑姑同家姐一家過。一過12點 Dondon 潛入我間房送生日禮物比我。我以前要求要隻真龜，但美國無巴西龜賣，於是Dondon買了隻水晶龜and 卡。



之前同事送盒朱古力。


Lunch 又去Pacific Mall，食粥同豬紅。

下午約老友 Jacqueline 一家見面，Ryan 仔太得意喇。

Jacqueline 送既護膚品。


返到姑姑道竟然有花。Dondon比我的surprise。

家姐都有禮物比我 - 按摩玩意+護髮lotion，仲有封$1000大利是。


生日晚餐全家去食任食火鍋，生日者免費!

好開心的一天，充滿驚喜。祝自己生日快樂，生日願望成真 -  - 家人身體健康!

 

 

 

 

多倫多的第二天

又係食食食既一日。上海菜，又平又大碟。5 人一不小心叫了太多野 -

炒飯，煨麵，4碗豆漿，銀絲卷，2條油炸鬼，恣飯，炸魚仔，兩籠小籠包，煎籮蘿蔔糕，春卷，上海鬆糕，豆沙鍋餅。


食完又搵 mall 行，純粹打發時間。同 Stephanie 走入 Sephora 搞搞震無幫襯。睇下化左粧個樣幾土。呢道長大既女孩子，我諗好快就開始化粧了。


兩位男士整天的節目 - 舖頭門口等我地出黎。


再去多倫多勝地大統華兜個圈，又話食晚餐。頹廢的生活，我鍾意!


同 Dondon 食 all you can eat，留返姑姑同家姐一家係家中清舊送，好孝順。

餐廳叫 Wasabi。$24 任食，除了任叫刺身壽司仲有很多熱葷，好多選擇。



我地兩人食的部份食物 -





飽到嘔的感覺很滿足。食完即訓仲正D添，早抖!

多倫多過的第一天 - 感恩節

1pm 由 New York 出發，Dondon 楂足十個鐘，11pm 到達多倫多。第一件事食宵夜。好好味既炒蘿蔔糕! 好味到想移民黎呢道住。

 

第二朝起身見家姐一家到埋。呢個 Tiger Mom 家姐，早餐都未食已經督促緊個女讀書，讀完又要練琴連 gymnastics。可憐過港童。

 

下晝飲完茶去探女痲女痲新墳地，有個湖係側邊，女痲女痲一定好鍾意。

跟住同 Dondon 帶 Stephanie 行 Pacific Mall ，無 Tiger Mom  係道即刻生猛晒。

未飲過珍珠奶茶未食過雞蛋仔的鄉下妹。

Dondon 等我地 shopping 等到訓著。

醒左仲要比人蝦 - 又打又踢又咬。

知道姨仔易 tum，屈我買左成百蚊玩具。加拿大D野真係好貴，係花園街十份一價錢都買到。

我都有收獲 - 每次黎多倫多都買 wasabi 蠶豆。搵勻香港 New York 都無，得呢道有。

 

晚上姑姑想去食芥菜豬骨煲。

姐夫 John 同 Dondon 今次黎其中一個任務 - 買新電腦比姑姑，仲set up 埋 wi-fi。全靠佢地我先可即日 update 個blog。

雖然無火雞，依然過了愉快的 Thanksgiving Day。