開學第一二天只返一小時，又有我陪。
可惜第二天 CD 病了無返，少了一天適應學校的機會。
星期一自己返了。三小時。
入班房時喊意料中事。但放學都喊。
老師頭十天放學後會打比家長。
CD 在班中最細，比其他小朋友細成半年。同學們很多都適應到唔喊， 仲好 verbal 會回家同媽咪講學咗咩，邊個同學喊。 CD 仍是舊飯，不懂表達。
見她三天返學放學喊，老師話上堂時都喊，那種感覺很難受， 像有石頭壓住心口，好怕 CD 因我的錯誤決定不快樂。
人人都會說返吓返吓慣架喇，要學吓獨立喇。我都會同我朋友講這些說話。但當發生在自己身上原來完全不是那回事。
看看，平時快樂的CD去了那裡？
第四天返學一入門口大喊，"出去呀！嗰邊呀！Memi 一齊呀! " 抓著條柱同我對手不放，要三位老師一同抱走她。
我不會等一個月。 一個月不喊不代表快樂，只代表習慣了痛苦。我不想。
