Daisy 每年都黎new york 兩三次工幹。無論佢有幾忙都抽空安排同我見見面。我呢個無聊大使當然好願意犧牲weekend訓到中午既luxury出黎同Daisy一敘。
我地行左Union Square 一個鐘就返佢晌Meat Packing District 既酒店 - The Standard 繼續8。雖然同Daisy識左10幾年又成日通email，我地依然有無盡8既topic。
呢幅相睇落無乜野，其實我地想影間酒店shower既獨特之處 - 個shower 同張床之間係無遮無擋架。係沖涼缸揮緊手既Daisy 其實正係到收起緊佢d萬國旗。
Daisy 星期六就走lu，要係十月返香港至見到佢喇。
順便post埋同噹噹個日既sushi meal 先。晌Flushing 一間所為港式既茶餐廳食 -
丁屎大腥魚旦六粒盛惠hk$24，我要返香港食花園街魚旦! 
Sushi+ Sashimi platter only $19.99，spicy tuna roll $10。Quality當然唔可要求咁多。我呢個cheap精食呢d貨式已經好滿足。
去到噹噹道最唔鍾意用佢個廁所。我有好多清潔用品化妝品架嘛，邊夠位擺喎。於是我就睇中左佢第二個廁所 - 細係細左少少，但話晒可以霸晒丫嘛。宜家逐步逐步有計劃咁侵入。第一步貼d hello kitty 貼晌塊鏡上面，絕呀。跟住琴日晌間韓國超級市場買左set廁所地板墊。正，越來越有親切感。我仲要得寸進尺 - 唔該，有visitors 請用噹噹個廁所丫，多謝合作。
另外買左個釣魚玩具比侄仔。應該係釣車呔玩具。
仲有仲有，由$2。99 減到 99 cents per lb 既大大grapes
見到爸爸同細佬對釣魚既發燒程度，雖然無收穫都不屈不杇，好，就等我幫你地完成心願喇。噹噹搵到出海釣魚既船，日日都有團出發，一團神咁早7點，一團鬼咁夜釣到半夜。我地報左早團。每人包埋貼士同租釣魚工具先US$80，八個鐘仲有專家教路，好抵呀。
個朝六點起身。比鬧鐘叫醒個野仲有D後悔添。去到碼頭就開始興奮喇。。。睇下我地架船 - RIPTILE III 呀。可以裝110 人，但因為天氣凍，得十個人上船。仲好，無咁迫。
沿途風平浪靜，仲有海鷗跟住。
我地大蓋開左45 分鐘就停船，開始! 睇下我幾雄心壯志？
D魚餌好大舊喎
都唔洗三分鐘就有收穫。第一個釣到魚既梗係D PRO 喇。係條好大既SEABASS。
跟住既成功魚伕就係 - 登登登凳 - 在下LALA! 睇下我開心到丫。又要怕條魚拂下拂下喎，唯有叫工作人員幫我邏住影相。係一條BLUEFISH，有十幾磅架。
可憐既DONDON受左一個大打擊 - 佢釣到條成30磅既SEABASS，係離個DECK一吋既時候比佢走甩左，陰公。你地睇下DONDON耿耿於懷個樣。。。
夜晚我地叫左DONDON屋企一共7人上DONDON道食飯。我仲炮製左一魚三食 - 姜荵炆魚骨，炸FILLET 同魚頭湯，再炒兩個菜加D小食 - 豬肚 AND 海蜇，好快樂既一餐。
話比爸爸同細佬聽，羨慕 / 妒忌到死喇。又埋怨我上次佢黎NEW YORK 我唔帶佢去釣。下次下次。呢個節目好值得推薦!
