聯名戶口的決擇

我每月洗錢少到無可再少 -

供樓.............................$650
管理費.........................$850
電話費.........................$50
上網費.........................$40
地鐵.............................$90
洗衫.............................$10
食物+日用品.................$300
大致係咁多

可憐 Dondon 賺錢比我多, 但每個月我儲到錢，反而佢就要洗哂份糧。間屋又貴啲，又有車，又要比錢屋企, 食嘢比我多成倍. . .

講開食量, 平時我唔食早餐，午餐唔會覺肚餓，一係唔食一係喺 pantry 食餅乾。周不時仲會有面費午餐，好似這禮拜同事叫的外賣多來了一個，比了我。我呢個免費 tuna melt 分開4日食！再加支免費汽水，搞掂。


1/4 Tuna melt

 

養我呢個 cheap 精太容易了。

前排Dondon 提議開 joint account - 我入哂我份糧入去，佢幫我付所有洗費。初初諗住"好喎，乜都唔使理。" 但睇落 Dondon 時不時買的"玩具"，再諗落我咪無錢儲？都係唔制，自給自足自由啲。


9/29/2011 THURSDAY DINNER
豆腐燴牛肉 腐乳通菜 菠菜魚片湯

童年玩意

細個同家姐玩好多遊戲，role play 我想是每個小朋友都會玩。記得我地扮過老師，醫生，攝影師，店主等。

今日問細佬 BY 同 LY 有無玩同樣玩意。

"梗係有喇。BY 最鍾意扮送外賣。呢幾排兩個興玩狗主拖隻狗行街，兩個仲爭做隻狗。"

咁無乜大志架，但講真比我地有創意好多。



9/27/2011 TUESDAY DINNER
蠔餅 蒜茸西蘭花 芥菜鹹蛋湯

 

無下次

蔬菜中以為自己只不喜歡潺菜茼蒿，今日要加多樣。星期日煲湯，係網上找靈感，找到枸杞豬潤湯，一於煲呢個湯。

買了一大扎枸杞，一個大豬肝 (肝 = 潤 ？)。用生粉同酒洗好豬肝，再用薑同酒醃，無問題。

跟住好戲在後頭。扎枸杞好老，用網上學會的方法 - 用筷子"劣"d葉落黎 - 完全不奏效。結果要逐塊逐塊葉猛落黎。中途比刺吉左幾次。失血過多連飲豬潤水都補唔返。

同Dondon投訴

"Dondon，以後唔再用枸杞煲湯喇!"

"Lala，上次你煲完呢個湯又係講呢句喎。"

o下？點解完全無記憶？
特此寫下這blog，以提醒自己 - NO MORE 枸杞!



9/25/2011 SUNDAY LUNCH
冬菇雞粥  蒜茸多士+吞拿沙律多士




9/25/2011 SUNDAY DINNER
昨晚食淨的齋+了粉絲同豆扑  紹菜雞柳  豬潤枸杞湯




9/26/2011 MONDAY DINNER

"Dondon，今晚食法國菜丫？"
"好呀，有乜食呀？"
"dîner Déjà vu! - 琴晚食剩既送。"

爛 gag 王!

新玩具

Dondon 出了bonus。一於用呢個藉口買返個玩具。

我地兩個係用電話方面超級落後。Dondon 用左佢部 Blackberry Pearl 8100 幾年，每次返香港都比同事嘲諷奚落。一向唔肯 "i" 化既 Dondon 揀左 Blackberry 9900。機價連開鎖 $580。

Dondon 問我點用份 bonus。點用？我有中國人美德，錢係應該儲起以作不時之需。正如Dondon 成日問香港政府送比我地既 $6000 會用黎買乜。我絕對唔會因為買野而買既，當然放入銀行。

新屎坑，玩到唔肯訓。


星期六又飲茶。咁細張抬都要搭抬，唔好意思影點心相。


又叫左我最愛裹蒸粽，仲有蝦餃，燒賣，蝦腸，雞札，奶黃包。好味，埋單連貼士$32


酒樓的大魚翅。比環保激進份子見到仲唔打爛玻璃？


下午茶廿四味。超寒底的我無份。



夜晚去Sentosa食馬來西亞野。

馬來西亞薄餅  海鮮冬陰米  海鮮滑蛋河  海南雞  羅漢齋

 

兩人失業在即，唔係應該留係屋企食咩？

魚頭煲的愛情故事

一個魚頭煲看似簡單，但其實製作功夫不少。為了準備今晚晚餐，炸魚頭時我被熱油彈過幾次。

自己唔小心就想話愛情偉大？故事未完的。。。。。

收抬時發現 Dondon 食晒全部食物，唯一一樣掂都無掂既係 - 魚頭!

原來 Dondon 唔食魚頭既。咁點解佢成日同我去人人小館食魚頭煲？只因為佢知我鍾意囉。

我決定唔會再去食魚頭煲 lu。我要去同 Dondon 食大家都鍾意既野。





9/23/2011 FRIDAY DINNER

以後不會再煮的魚頭煲  腐乳通菜  蕃茄蛋花湯

今日睇了甄子丹既武俠。好正! 功夫片係我同 Dondon 最喜歡的，甄子丹更是我地好欣賞的演員。一齊做大家都 enjoy 既事特別幸福。

家嘈屋閉

琴晚 Dondon 大佬一家嚟咗， 一家又喊又鬧，兩公婆整晚互相指責埋怨。好怕同 Dondon 將來會一樣。我要提醒自己，要包容; 不可只從自己角度看; 要知足; 要 appreciate 對方每一種大大小小的好處。

安之父母要些空間，留了安之喺1K玩。Dondon 真的會是個好爸爸。Dondon，幫唔到你做爸爸真的令我好內疚，我會盡力做個好太太。



9/18/2011 SUNDAY LUNCH
肉醬長同粉


9/19/2011 MONDAY DINNER
蝦醬排骨 蒸水蛋   怪湯




呢個情況下公司仍出咗 bonus . 嘻，＄2500 已經令我開心到暈，我個掃興 + 童言無忌家姐一盆冷水, "吓？我講一個 talk 都唔止喇!" 哼，唔啋佢，我呢個禮拜同 Dondon 慶祝。

鬥心

 

今日同一個係New York既小學同學傾計。佢小學時年年考第尾，中學就比屋企人送左黎美國。同學話佢小學時一直考第尾，習慣晒，於是越玩越喪。黎到美國科科淺過香港，佢變成全級第一，一嘗到成功滋味就發奮圖強，而家已經係間律師行既 partner。佢父母既決定改變佢一生。

我家姐一樣。細個時讀書中上但不是出類拔萃，直至 Form 4 時一次考了第一便一發不可收拾，中五考埋9A，依家事業有成。

相反我完全無鬥心。記得中學時每年暑假我都入沙田銀禧體育中心個 Tennis Training Camp。我個陣係粒網球新星，長勝架。有一次同隊友比賽，個教練同隊友講，"想嬴 Angela 有個秘訣。你囉多佢少少分佢就放棄。" 諗返當時教練應該係想我檢討，我呢隻笨蛋竟然笑笑口答， "係呀係呀，你點知架。好易嬴我架。"   

幸好我有快手聽話性格，事業至今先可以無問題。乖乖地咁打工都可以好開心。希望公司摺埋後快d搵到另一份好工。

今日去新酒樓飲茶。 全靠Jo 姐姐好介紹，好開心搵到間似香港既酒樓，服務好，多香港人，多點心選擇。我仲食到裹蒸粽，頭咁大比我一個人食晒，流沙包係真係'流'添。多謝Jo 姐謝，我又多左個打躉地方。

9/16/2011 FRIDAY DINNER
舊送舊湯大雜匯


9/17/2011 SATURDAY DINNER
生蠔煲    韭王冬菰豆朴    璋魚漣藕豬骨湯

 

望天打卦

公司前途公佈了。希望呢幾個月會守得雲開搵到買家, 搵唔到我就會執行李返香港。可以返屋企係會開心既事，唯一擔心係可唔可以適應香港返工的節奏環境。

Esprit's expansion in the future will be focused on the opportunities for profitable growth. With this strategy, the company is going to strengthen its European business in German-speaking DACH-countries, Benelux and France. In Asia, Esprit will concentrate its expansion in the growth markets of Taiwan, Singapore, Malaysia and – above all – China. In China, turnover is expected to double over the next four years to around HK$6 billion, with the store network increasing from approximately 1,000 to 1,900 POS. In addition to the expansion in China, Esprit plans to open a total of 185 new full price retail stores until FY14/15.

As part of this transformation process and focusing its activities, Esprit is going to divest the loss-making North American operations. In addition, 80 unprofitable stores will be closed, which includes the exits of the retail operations in Spain, Denmark and Sweden. The costs related to these exceptional events have impacted the results of the FY10/11.



最後一次的偷懶日，做完野同Dondon食上次錯過的印度buffet。食了三碟再加3個大naan。係我第一次飽到食唔到晚餐。

9/13/2011 TUESDAY DINNER
黑椒洋荵雞柳   韭王炒蛋    麵豉湯

9/15/2011 THURSDAY DINNER
椰菜炸魚肉   紅燒豆腐煲