唔客氣

"Lala, 我就生日了."

"我知."

"你今年唔使買嘢比我嘞。"

(咁筍?) "點解？"

"我已經上網買咗部新  Nexus。今日擰得。你比返 cash 我得嘞。"






*************************************
"愛我嗎？" 好多男人最怕女人問呢個問題。答完未走得架，仲會跟，"愛我有幾多？"   "愛我D乜?"    "點解愛我?"

我識 Dondon 時已過了會問這問題的年齡幾十年。但我都有另類難題比佢。 。

"Dondon，如果我唔同你有 sex 你娶唔娶我?"
"娶."  (敷衍)

"Dondon，如果你一早知我冇得生你娶唔娶我?"
"娶."   (敷衍)

"Dondon，如果我唔煑飯你仲會娶我嗎?"  
"梗係唔得啦!!!!"

哎呀，仲諗住佢答娶的話我唔使再煮添。 



****************************
又一間 blacked listed 餐廳.

這晚同 Dondon 去食韓國嘢。

Waitress 落單錯漏百出，3 個 simple order 解釋了好多次，最後都嚟錯嘢。我都唔介意。

要 black list 嘅原因只有一個 -------- 份量少。

前菜，似係比人食剩。Macaroni 得 5 條。


Seafood pancake size 尚可接受。


Dondon 的海鮮拉面係一個出前一叮。平時自己煮佢會食 3 個。所謂嘅海鮮係魷魚 3 條，帶子半粒。


我的烏冬有半塊日式魚片 + 2 塊同前菜一樣的炸魚片。


餓死人喇。 

愛屋及烏宣佈失敗

星期六要同 Dondon 家人食 lunch，為慶祝 Dondon 生日 + Dondon 媽咪生日 + 同 Salina 個深圳家姐嚟玩。

Dondon 爸爸今次好正氣，叫阿炳負責埋單。

叫嘢時阿炳搶先，"We will all have water. Just water is fine."   叫嘢食嘞，Salina 想叫牛扒比佢家姐，阿炳真老實，講到明，"牛扒太貴了，點其他吧。" Salina 想叫 lobster，阿炳唔淮。結果阿炳自己叫個 ribs，加兩個 side dish - mac and cheese  同 cream of spinach 比 Salina。Salina 碟嘢嚟到得兩 pat 嘢，真失禮。

有 3 個小朋友------- 8 歲 5 歲同 2 歲，阿炳只叫了一個 burger slider 比佢地分。個 burger 好似粒大帶子咁大，連個 waiter 都睇唔過眼, "They won't have enough to share."  阿炳固然睬佢都傻。

搞到我唔敢叫 crab cakes，只點了個最平的 burger。

Dondon book 這間餐廳係因為知佢媽咪鍾意食嗰度嘅 tiramisu，佢媽咪想叫，阿炳竟然話，"這兒沒有甜點的。Check please！"

Dondon 爸爸可能覺得太肉酸，又可能覺得阿炳太可憐，張單嚟到立即拿了張單.............交比 Dondon 叫佢埋 。    哎呀早嚮啦，知先食好啲啦。




*********************************************
Salina 個深圳家姐只有 33 歲，但成個阿嬋咁。好無禮貌，由頭到尾當我透明，同佢打招呼又無反應，淨係同 Dondon 講嘢, "Don 你甚麼時侯再回國內?" (阿嬋, 有我一日佢都唔會返喇)  "Don 你來我們再請你吃飯 " ( No thanks. 阿嬋，上次你大佬帶咗我 Dondon 去睇脫衣舞, 下次叫雞都似) "Don 你唔打算生小孩？" (見到你哋啲種我都唔想生)

嗰三個細路就成餐赤腳跑來跑去，大聲尖叫，又擰哂啲刀刀叉叉去玩，啲大人都唔管吓。嚇到個waiter 唔再帶其他客人入我哋嗰區。

好彩唔比叫 dessert，早走早著，我哋仲趕住去 DC 嘛。

回程車他們回去時 Dondon 爸爸再次提出叫我們在 Queens 買間屋租比佢哋。呢樣點樣愛屋及烏都好難了。我們根本唔想喺 Queens 買，升值能力低好多，佢哋想要嗰佢又係大陸人區。最羅命係 Dondon 爸爸講了，"我們交租於人倒不如幫你們供？" 嘩，佢當係 doing us a favor。仲有將來用乜易 Salina 話間屋係 Dondon 父母供的，他們要佔一半? (Dondon 爸爸已講名他的（有限）財產全歸兩個孫）。我絕對唔稀罕佢嗰少少錢，你唔佔我便宜我已經好多謝。

我真的想做到愛屋及烏，但當對方是這樣的人我好難勉強自己。見面時我會保持尊重，但要用愛呢個字看來沒多可能了。

爸爸畫展

其實唔係爸爸畫展，係爸爸畫畫班的展覽。

他們前幾個月去了台灣寫生，回來各自畫好畫，比老師選出比較好的作品，再裱好安排展出。


最右的是爸爸。


好靚的地方，唔知會唔會有熊人撲出嚟？


右二爸爸


右二爸爸


細佬帶了 LYSY 去捧場。

作者: 吳仁德

畫題: 台灣東北海岸 (阿里山)

 

畫題: 雨中漫步

畫題: 遠眺山景




晚上去細佬屋企食飯。

點解成日唔見 BY , 媽咪, Betty？



展覽在灣仔到星期四，得閒去睇吓啦。




開幕典禮

 日期：2013年7月27日（星期六）

 時間：下午三時正

 地點：香港灣仔駱克道301至307號洛克中心3樓藝林畫廊

 展覽日期及時間

2013年7月27日（星期六）下午三時至下午五時

2013年7月29日（星期一）上午九時至下午七時

2013年7月30日（星期二）上午九時至下午七時

2013年7月31日（星期三）上午九時至下午七時

2013年8月1日（星期四）上午九時至下午五時

 展覽地點：香港灣仔駱克道301至307號洛克中心3樓藝林



***********************************************************
(無電話無 laptop 兩天之旅開始。祝我好運！)

改變策略

喺 Long Island City 睇睇吓樓又轉呔去 Manhattan。

初初嚟 New York 我住 Central Park South 。嗰個係嗰超好區，家姐幫我揾。嗰間 studio 無陰功囉..........唔知有無 300 呎 （但個廁所又有 100 呎喎)，成十年前每個月要 $1,800，住完一年要加到 $2,000，走人搬去 Queens。

一直覺得 Manhattan 啲樓貴得濟，所以無考慮會買。但原來有啲超細盤我哋多可以諗諗。


****************************************
第一間喺 E95th Street, Upper East Side 都算好區。
 
500 多呎 studio



正呀， 廚房有電視。


廁所很新，仲有 Jacuzzi.


樓下有小 gym 同 BBQ area



*****************************************
第二間隔一條街, E96th Street.

大廈 2006 年建，對 Manhattan 嚟講好年輕。


Lobby 酒店式。其實我唔鍾意，太嚴同無乜私隱。


呢個 unit 係個微型 400 幾呎 studio。

但個景好靚，望東北。





Dondon 喺女人堆好享受。


就係咁大，一眼望哂。


新廁所，仲有 washer and dryer，喺 New York 好少有。


廚房 size 不俗。。。比起個火柴盒 apt。


樓下設備有 gym，小泳池，公園同 BBQ site，仲有間 pet spa。


我哋今天落了 offer，睇吓得唔得？

同媽咪爸爸講，佢哋都好贊成，"很好呀，同 Dondon 兩個人夾手夾腳供，首期有無問題？我哋可以幫你比。"  Dondon 無諗住同佢父母講。以前阿炳買樓佢父母叫佢唔好，怕 Salina 分佢一半身家走人。又唔肯借錢比佢哋。Dondon 唔想聽無謂的意見。唔可以話 Dondon 父母唔啱，只可說人人處理財政 / 家庭關係方式不同。

變形金剛

呢個星期忙到嘔，午餐都冇得食。有幾晩夜放，要出去食。

今晚同 Dondon 出外食飯，又去飯堂



Dondon 的湯 ---- shrimp and crab gumbo。Dondon 話無蝦蟹味但有牛肉味。

今次我竟然無叫 crab cakes，叫了 fried clams。
啱啱 Vicky 先話我乖唔食炸嘢，今晚就食哂成碟 fried clams 加埋 french fries，滯足廿四小時。


Dondon 的牛扒。


Banana cream pie


食食吓 Dondon 媽咪打嚟， 提佢揾地方同 Salina 家姐食飯，提埋佢 book 檯同到時車佢哋去餐廳。





食完出門見到整條街封了，原來舖蠟青。


好大工程，十幾架機械車，又打哂燈。我好鍾意睇進行緊嘅工程，尤其鍾意睇人控制嗰啲工程車。唔易架。


呢架好似 transformer，行行吓可以伸對腳出嚟 balance，再用個尖剷鏟啲舊蠟青，勁呀。

睇到唔捨得走。