最唔鍾意有野post 上呢個分類架喇。
今日同gale去flushing 食lunch，比我知到琴日佢同呀噹出左去食飯。好唔開心。
阿噹以前應承我唔會單獨同女仔出街。其實我知gale 同佢一定無野，但係佢唔守信用，兼有心瞞我，琴晚仲叫我唔好同gale 出去。呢樣就不可原諒。
今晚我唔覆呀噹既電話lu。我希望佢知到我係一個非常非常需要安全咁既人。佢一次既唔老實可以扣好多分。其他自由我比作足佢 - 買野，食野，洗錢，飲酒，打機，工作，家人，朋友。。。我唔會干涉，但係任何關係到女人既我一定無得傾。
希望大家唔好覺得我野蠻喇. 我只係中於我既感覺，唔勉強自己改變o者。
二零零九年一月二十號晚上七點二十九分四十四秒
同噹噹一齊呢幾年，佢今日第一次用love呢個字。係好自然咁略略題過，仲係係IM輕輕講下，但係我已經好開心。好，save左佢先。希望有一日佢會親口同我面對面講喇。
噹噹I LOVE YOU TOO。
長周末呀，好開心。應承噹噹煮籮蔔糕。原來都唔太難。本來有人拍心口話幫手刨籮蔔，點知無左影。
用左兩大條籮蔔就整到兩底籮蔔糕，一底噹噹一餐清晒，一底就比左佢大佬。
另外又整左燒肉。今次買成舊五花腩，好似係好味d 喎。
下午茶 - 六塊西多。又係5分鐘被消滅，仲話唔飽要出街整多兩串羊肉。
天氣仍然咁凍。
噹噹今日又黎左我道幫我整電腦。電腦白痴既我唯有係廚房搞搞震。
甜酸 -
自製酸霽
苦 -
肉骨茶。十粒蒜頭加一磅排骨
辣 -
韓國泡菜炒鮮魷
小型榨菜牛肉煲仔飯。又係手chop架。最好味係加左甜豉油之後。
噹噹食完瞌眼訓，我就上網。唔。。。我好鍾意呢d 老夫老妻既生活。
人既一生經歷甜酸苦辣，到頭來都係平凡是福。
得個6F，冷得我TUN TUN震~~~
噹噹仲話想去睇戲喎，咪搞，哩埋返6K 好過。有人要食豆腐，於是今晚煮
紅衫豆腐蕃茄書薯仔湯
芋頭臘鴨脾煲
黑椒洋荵炒牛肉
呢個燒肉琴日整既。
黎緊呢幾日仲凍。。。 唔。。。。羊腩煲？
噹噹一路同屋企人住直到佢二十八歲。跟住就自己搬出黎。佢買屋既時候都未有女朋友，但係已經諗住呢個會係佢組織家庭既地方。噹好好笑，揀屋既首要條件係近唐人區，同我岩岩相反。
今日可憐呀噹架電視有問題。佢整到汗都出埋，我做就晌後面睇雜誌食堤子。
等到悶悶地我身痕去影噹噹間屋先。我係諗住分手之後都可以懷緬一下嘛。
入口
廳
廚房，囉膽嘛？個牆紙如無意外應該晌EBAY賣到好多錢。
噹噹間房
中間雜物房，另一邏膽之作。
我用既廁所
噹噹用既廁所
如果有朝一日我成為呢間屋既女主人，我一定第一時間大裝修，第二時間。。。。搬離唐人區! 你話點可以比噹噹睇我呢個BLOCK丫，唔可以比佢知我有結婚既諗頭，更加唔比佢知得我有郁佢屋企既諗法架。
又打邊爐喇。黎到美國都好似無食過新鮮蝦，今日噹噹就買左兩磅黎打邊爐。真係好味好多喎。其他都係例牌食物 - 肥牛，羊肉片，，牛筋丸，生蠔，魚頭，粟米，生菜，西洋菜，紹菜，豆腐，豆腐朴，金菰，磨菰。。
同同學+佢老公，四大一細，乜都清晒，不過用左三個幾鐘。bb真係好得意，又乖。睇下佢隻豬蹄仔幾過癮。
