非人生活

今天在辦公室的工作流程:

9am - 12 noon

上 Youtube 看了兩齣粵語長片

12 noon - 2pm

同香港嚟嘅朋友 Annette 食拉麵。 

成年無見，傾咗兩個鐘都唔夠。
 
 

2pm - 3pm
覆了幾個私人 email。 

3pm

執嘢鬆人，約另一個香港嚟嘅朋友 Fiona 同佢老公飲野 。又係傾到唔捨得走。 
 

係今日咁啱有兩個朋友嚟我先咁吞 pok 咋，平時好勤力咁 。 。 。 。 朝九晚五睇足五套戲㗎。 

難怪細佬話，
"二家姐呀，你每日返工好似搭長途機咁嘅？早上九點起機; 中途揀戲睇; 食飯時間有空姐 Dondon 送腸粉餐; 五點落機. "


一語中的!

Beah Beah 聲

上次喺多倫多擺酒，一早叫埋 Dondon 父母去，佢哋一時話去一時唔去， 遲遲未覆扭扭擰擰， 結果出發前兩日先話要去。我哋擺三圍，30 個人, 無得走盞。佢哋嚟我哋仲要租架 van 呢。 Dondon 都無出聲，要我教佢點同父母講 - "呀，你哋嚟呀? 咁我哋要訂多一圍喇. "  佢哋先醒水。 

誰料事件重現。

我哋十一月返香港擺酒。 酒席數個月前已落了訂，人數亦 confirm, 啱啱坐滿四圍（包括Fatty 伉儷，冬冬伉儷)。 請貼印埋，今天突然收到 Dondon email，話佢媽咪請多幾個廣州遠房親戚  ("表姨媽個細表弟個老婆， 大表哥個新抱個契細佬" etc )。 圍數就真的加唔到, Dondon 竟然再次唔識推。

最主要原因我真係唔想佢哋嚟 ---- 上次上廣州已見識過。知道 Dondon 回鄉探親，佢親戚 self-invite 成村人, 自己揀酒樓 , 嚟到完全不打招呼, 
自己點菜，食飯時搶食咁，食相恐怖
， 埋單時個個拍拍屁股，又係 bye bye都唔講，淨係話, "洞恢, 你找數吧!" 我真係唔想我婚宴上佢啲大陸親戚失禮人。 

今次擺酒我出錢，我一定不會就犯，我叫 Dondon自己喺另一日請佢班大陸人食。 

 
 
 
 
 
 
 
 
 
 

爸爸出院了!

爸爸上星期已做完手術，醫生話過兩日已經可以出院。但因回家無人照顧，他寧願多留幾天。

報告出了， 最放心看到 benign 呢個字。 
 

埋單時咀角含笑。梗係啦，因為二舅父的利是，比完錢醫院仲有十三萬袋. 
 

昨天星期日出院了
。 爸爸的憂鬱症已好轉。他說要好好保護身體，要 outlive 媽咪。他怕他去先的話無人照顧媽咪, 亦怕媽咪傷心。這就是真愛。 

我比較自私，要 Dondon 長命過我。唔單只咁，我仲要佢應承我死咗佢唔可以娶另一個。 





*************************************************************
LY 同另外7位小朋友被無線揀咗陪舊港姐上台。嚟緊呢個禮拜日要睇港姐總決賽了。  
 

入鄉隨俗？

Dondon 琴晚又飛走了。呢個禮拜留喺 New York office 已經無嘢做，日日 11am - 1pm, 3pm - 5pm 咁返。 星期四晚返德國，又話去到係 Friday noon time，不如唔好返 office。咁咪變相放成個禮拜？

呢幾日煮比 Dondon 嘅：

蝦麵


牛筋麵
 

牛肉粥 + 豆腐皮蛋
 

鹽焗雞脾飯
 

出外食的 :

海鮮 pho
 

火車頭
 

潮州煎餅
 




*************************************************************************************************************

前天去中國超級市場買餸。去到豬肉部等工作人員幫我秤肉，等咗成十分鐘啲人都慢吞吞。 而之間不停有人打尖，總之邊個面皮厚邊個大聲邊個不守秩序就買到。等到啲人散哂終於到我了。 我告訴 Dondon 我的經歷，佢話: "下次企前過啲打尖人，大聲過佢哋囉。" 我絕對不會！ 如果我咁做我就會成為他們一份子。 

我做人求求其其咁，但講到對大陸人睇法我是立場堅定。 

我唔會嘗試說服人去憎大陸人，亦希望其他人會尊重我睇法。因為此乃純粹個人觀感，無錯與對, 正如

• 臭豆腐有人覺得香有人覺得臭。
• 有人覺日落浪漫有人覺悲涼。 
• 有 fans 追捧劉德華有 fans 對黎明瘋狂。

BB 壽宴

BB四歲生日，邀請佢哋一家嚟慶祝。

BB 入屋見到佢最鍾意嘅 Spiderman 氣球，戰戰兢兢問, "個氣球留喺度玩定一陣可以擰返屋企？"
 

三位男士都係八月生日，但主角係 BB 一個。



開飯喇。整咗BB（同我）鍾意嘅食物。

雞絲粉皮


牛筋 /  腩 / 碾炆白蘿蔔


茄汁煎蝦碌


帶子蒸豆腐


蒜蓉莧菜


北菰伊麵


鮑魚雞湯



BB 鍾意食西瓜


開禮物喇～～


好重都堅持自己推


拆完禮物仲有蛋糕喎。得登買佢喜歡的 sparkling 蠟燭。


點解吹極都吹唔熄㗎？


估BB唔到，單車汽球都唔及本 Spiderman 貼子簿。揸實唔肯放。


一個人食四份一個蛋糕

BB 咁細個已經有領袖才能。
"嗱，Don 叔叔同媽咪帶我去公園玩，爸爸就揸車!"
媽咪問 BB, "咁 Ti Lala 呢?"
"Ti Lala 就留喺屋企煮飯等我哋返嚟!"

原來我喺 BB 心目中只係煮飯婆一個。