臭蟹

 

 

成日聽到人講男人要有空間。女人應係適當時候比d自由時間比男人。Dondon都算係例外。佢係希望24小時都黐住個隻。每晚食完飯Dondon送我返6k就依依不捨，真係好鬼痴纏。

平時weekend 例牌Dondon十點就打電話黎叫醒我，一齊食lunch 再睇戲。想當年未識Dondon個時，我既周末通常係同Dorothy行街，或者自己去睇戲。一個人羅住包大爆谷，好享受架。呢支歌仔已經無得唱lu。

呢個weekend 終於破例，我有返d私人時間喇。同事Rebecca約我去睇Hereafter。我揀左去我以前個個禮拜去既AMC。42街個間，有成25間theater，5層高架。

兩將飛加埋popcorn 汽水咁就成$50。套戲Hereafter 係關於life after death。戲裡面一個失去孖生兄弟既小朋友用盡方法想同死去大佬聯絡，最後成功，個大佬話I WILL NEVER LEAVE YOU。WE ARE FROM ONE CELL，I AM YOU AND YOU ARE ME。喊死我。

睇完戲都唔捨得走，想留係city行街。但係Dondon話佢等緊我，唯有期待下一次放假。Dondon成日一個人係1k打機飲啤酒。唉，一個咁深閨既男朋友我都可以成日唔放心，你話既唔知足呢。

夜晚睇全城介備。好唔掂，擺明係target大陸市場。老土，無聊，不合情理。徙晒郭富城呀。再睇埋線人。線人好睇好多，不過結局太慘。

星期日食完Uncle Bill big breakast，再連環grocery shop。買左好多野。

再去買左d膏蟹。5隻$90。我都係鍾意大閘蟹多d。帶埋Dondon前兩日釣既魚出發去Dondon父母屋企。

 

今日Halloween。安之扮班點狗，儸到好多糖，lur媽咪比佢食。

10/31/2010 SUNDAY DINNER

膏蟹，失敗。甩手甩腳無膏無肉無味 (有陣臭味)。

好彩好多其他送

牛仔骨

菜心

魚

餃子

仲有甜到似咳藥水既大陸酒

食完我呢個人肉快速洗碗機開動。 洗完回歸做facial，準備新既一周。HAPPY MONDAY!

有病

我真係小氣到有d變態。成日幻想Dondon會點呃我。平均一個禮拜就發一個小氣夢。

但係又好難怪我。之前男朋友一齊成十年，真係當左佢係家人。哈，竟然比我係酒店撞正佢同另一個女仔喎。似足無線劇集，仲要係最老土個隻。晴天霹靂。

好勒，到而家Dondon，佢都算係個萬中無一既好男人，但係都比我發現佢瞞住我同人相睇。叫我點可能百份百相信一個人呢？

好喇，同自己講過唔再重提舊事架，我亦都唔會係Dondon面前再責怪佢。可惜丫，呢d負面思相依然會係夢中出現。

 

Dondon今日請假去釣魚。我又發揮我既幻想力，諗到天花龍鳳。我琴晚成晚發小氣夢 - 見到Dondon打電話比個叫Jenny既女仔，問佢釣魚時點解無流汗。嘩，我喊住醒呀，幾變態。

今日成日忐忑不安，諗緊Dondon會唔會又瞞住我偷偷約左個女仔。

好彩Dondon好體貼，7點開船已經email 我，成日係咁send相比我。

 

碼頭附近游水既天鵝

第一條收獲

 

好叻呀，四條xx呀。究竟係乜魚呢？

 

Dondon釣完魚即刻黎接我放工，返1k蒸魚!

 

10/29/2010 FRIDAY DINNER

清蒸xx

特大碗羅宋湯

 

Dondon，我好努力好努力改緊架啦。雖然我無同你提過我心裡面既多疑，但係如果你感覺到既話，請你比多少少時間我。

萬聖節快樂!

今年Halloween ，HR 搞左d節目，個個都要扮野，係office行個mini parade， 再由president揀best costume。

Outlet team 扮彩虹

大老闆係吸血鬼

Logistic 既hippies

我最鍾意既planner扮Dorothy Gale

Licensing Willie Wonker

Merchandisers 靚女多，結果嬴冠軍

Staff 帶baked goods分享。

 

我貢獻椰子餅。

 

10/27/2010 WEDNESDAY DINNER

鹹酸菜炒豬肉

落重雞粉炒既豆苗，今晚實眼光光

拆左d魚肉煲紹菜魚蛋湯

沙田畫展曲終人散

爸爸有份既畫展呢個weekend舉行左。好彩鮎魚走左無影響開幕。

對自己一晌要求好高既爸爸話對今次四幅畫佢都好滿意，仲話好多其他人都好欣賞 (其他人 = 老婆，仔，家嫂同d孫 ？)。

 

細佬帶埋d細路去撐場。

 

睇下姪仔幾嗲，衰衰咁。

爸爸退休後生活仲多姿多彩左。星期一&四草地滾球，平時就畫畫同搵下朋友。得閒又去下旅行。爸爸朝朝跑步，今年參加左半碼馬拉松，衝線時氣都唔喘一下。明年都會再報名。

呢班係新相識，一齊畫畫既'畫友'。咦？點解媽咪又有份既 ？佢唔識畫畫估喎。

企到一個東一個西 (圖右黑超紅鞋女士為我媽咪)。

 

出外寫生。爸爸後面既應該係老師。不過都係我爸爸最型。

10/25/2010 MONDAY DINNER

雜錦麵。一味打完邊爐第二日必食既食物。

公主駕到 - Karen 到訪

Best friend Karen 黎New York 出trip。提早個weekend黎陪我。識左Karen十幾年。事業成功，老公錫佢，兩個仔又聽話，本來行係個幸福女人，點知前年驗到有個tumor。晴天霹靂，好好彩醫返，希望佢永遠健康快樂。

第一晚唔想佢太辛苦，只係行下Forest Hills，食個豆泥日本dinner。由香港黎係要求高D，食左兩啖就嫌唔新鮮，唯有我清晒，唔想徙野。

有人陪我訓真係好好多，成晚竟然無醒過，一晚訓到大天光。星期六一早出Soho行街。可能早，好少人行計街。定係市道唔好呢 ？Karen無乜興趣行大路牌子，於是唔行Broadway，入左d細街。Lunch 去Felix食。當然同香港既Felix無關啦。薄yit yit 牛扒，簡單單salad，淡貿貿可樂，咁又$85。

夜晚約埋其他朋友打邊爐。又可以見到BB，好開心。

d細路卦住睇Ponyu 同 Princess and the Frog

好難得令佢地肯望鏡頭

 

Gloria帶黎既fig pie

Adrienne買既chocolate cake

Gloria 整既cookies

星期日Dondon車我同Karen去Woodbury朝聖。Dondon真係好好。一早去買早餐比我地，係冒住被炒牌既危險買。再楂成兩個鐘黎滿足我地，自己就留晌架車度睇書。

Karen 都係買細路野多。我都係買野比姪仔，同埋一對拖鞋一盒mastermind比Dondon，惠勞佢全日既犧牲。

夜晚Karen搬返去Standard Hotel。又返香港先見喇!