以前返工仲可以 update 吓個 blog，乜都紀錄到。
依家時間真係好少，唯有盡量有時間便 upload 幾張最近期的相。
朋友由法國返香港玩，約埋小朋友見吓面。
細佬工人唔做了，佢好錫 3Y 同 CD，唔捨得。
又去比賽。 夏天真係要停吓，我頂唔順。
****************************
我已經夠忙，屋企又有事發生。
呢兩位不速之嚇依然要來。
仲要三個星期。
我叫 Dondon 我出錢嘞，book 酒店啦，Dondon 就話佢哋會周圍旅行，平時都不會留在家。
當我傻定佢太天真？我太了解嗰對夫婦，佢哋絕對不會咁肯使錢。
結果。。。。去了大陸四天，其他時間日日留喺屋企上網。
Lunch "簡簡單單"煮個麵比佢哋得 lu woh，晚餐夠鐘上我爸爸媽咪屋企食，食完拍吓羅友走人， 老實不客氣。
佢哋衛生情況我都不用說。每天我要消毒拖地的時間X3， 仲要幫佢哋洗衫（連內褲）。
話要 BBQ 喎，但唔想聞煙喎。Dondon 只好用幾千蚊 book 間屋燒。我就全程幫佢哋燒吸咗一晚碳。
好彩 CD 都鍾意喺嗰度玩。
話想同啲大陸親戚一切去澳門喎。
Dondon 全程由船飛酒店的士食飯到買手信都出哂。
我以前很喜歡到澳門睇啲舊建築物。今次去好失望。拖喼處處，吵鬧的大陸人迫滿街。
餐餐食 X 咁食，唔貴唔叫，仲係咁搶，我都唔敢起筷。
虛偽的我做得好好睇架，所以 CD 無受我影響，好癡爺爺嫲嫲。
睇見都火滾。
最憎 Dondon 阿媽叫 CD 叫佢奶奶。
CD 個奶奶喺佢自己胸前，唔係佢囉。
呢啲大陸叫法唔啱我哋，我哋母語係廣東話。
呢三個星期真係好難捱。
終於好行夾唔送。
臨走竟留下幾條毛巾，底褲同鞋，話放喺度下次嚟用。
你老味，唔使諗呀，一定無下次。
