神奇 Candy Crush

我麻麻哋鍾意打機，因為我唔係個接受挑戰的人。以前喺 facebook 玩過一兩日 candy crush 就無玩，唔想比人見到我打機幾渣。

這排成日瞓床，Dondon 幫我 install 咗 candy crush 喺電話度，唔使上 facebook 打, 這 game 便成為我良伴。

昨天在醫院等入手術室時我又打。同房有 3 個人，都係做緊同一樣嘢。 個護士入來, "I hear Candy Crush."  我哋 4 個就開始交流。嘩，個個都打到過 level 300， 點解我 stuck 喺 level 30 成個禮拜？原來佢哋都話洗咗好多錢落去買命。我一定唔制啦。

返到 1K 同 Dondon 求救。"Lala，比我個電話我啦!"   15 分鐘後 Dondon 幫我改咗有無限命，好嘢。 打到 level 35 又要我等 24 小時先比過關，我又求救。" Lala, 比個電話我啦!" 15 分鐘後又 override 了唔使等。

Dondon 萬歲，不過呢幾日我打機唔幫你煮飯喇。



***********************************************************************

講返抽卵日。之前打了支 HCG 針，打完好準時 36 小時後會排卵，所以嗰日唔遲到得。一早揸車出 Manhattan，交通暢順。



入到 lobby 好多人等緊。


好快就到我，換上手術袍就開始打機。


之前做咗 3 個手術打麻醉完全無感覺，今次打手腕邊，打落啲骨度，條血管之後又腫又瘀。 Whatever 啦，呢啲少少皮肉之痛，閒事。



因為我得一邊卵巢，又少蛋。所以抽蛋過程好快。

出到嚟朦朦朧朧聽到醫生話得 3 粒。以我單卵巢同超高齡，3 粒都好過無，同上次喺台灣結果一樣。

醫生再一輪嘴講咗我要呢兩日食乜藥打乜針星期一見佢。大佬，我麻醉藥都未過，無乜記憶架，又唔寫低比我就走咗。返到 1K 打比佢寫低哂先。

Dondon 今天就做了 IVF 中第二次，亦係最後一個任務。。。。取 sperm。你話啲男人幾歎吖。



***********************************

有人唔返去休息，去咗飲茶。手術後兩小時的我精神奕奕。


明天會知 3 粒蛋蛋可否 fertilize 。我好平常心架, 天生阿 Q 的我唔會比 result 影響心情，有又開心，無都依然快樂。