尿床大災難

CD 學校好著重規矩禮儀。坐定定斯斯文文的最比老師愛錫。

呢隻馬騮喺學校生存到算好彩。

約了朋友啲女食飯。兩個又係機不離手。

細個爸爸成日同我哋去的印尼餐廳，臨執笠去懷舊吓。

細粒丁CD。同同學差一個頭。

放學可以去草地跑吓多幸福。

又去驗眼了。越大個越容易。自己入驗眼房又會自己聽醫生解釋。

好友 Kayla 來過夜。

半夜她不小心瀨尿。大災難啊～～～～


個床褥濕到底，陣味仲超強烈。

結果要洗三張被，一張床單一張床墊。

床褥最大鑊。我先用醋濕透，過幾小時灑 baking soda，又過幾小時再吸塵。如是這重復數次。

最後用暖爐吹一日終於辟到啲味。

呢兩晚我哋搬出廳瞓。CD 不知幾高興。

Kayla 下次來過夜一定要用尿片！

Boston - 繼續室內

估到佢架嘞。

比哂錢入去跳彈牀，跳了幾分鐘便失興趣。

要玩遊戲機喎，又得。

第二天家姐帶了 CD 去 playhouse，我又同 Dondon 行街。

包場又好玩。

辛苦哂家姐！

晚上家姐準備了蝦， 蟹腳，龍蝦 mac and cheese 同菜。

有興趣打鼓。

這晚同 Susanna 一家見面。

CD 上了癮玩 UNO。

嚟咗咁多日，除了機票租車差不多完全無比過錢，連行街買嘢家姐都準備了 gift cards。諗落都內疚。

防人之心可以無

朋友同我慶祝生日。

我好掃興。特別為我叫的甜品拼盤我只淺嘗。

唯有派代表幫我食個朱古力碗。

這天放學同同學去公園玩。

有位好像有少少智障的叔叔同小朋友玩吹波。

我聽到那位陪叔叔來的女士輕聲提點他不可身體接觸小朋友。

但其他媽媽立即作出戒備，好快把小朋友帶走。

唔好介意呀叔叔，還有兩個小朋友同你玩得好開心，希望你可以保持這赤子之心。

玩完比 CD 揾到粒粒雪糕， 一定 lur 住日日去。

****************

平時瞓到 12 pm 的小朋友今日發神經, 7 am 起床。

送爸爸返工啦。

去到尖沙嘴竟遇到我老友。

CD 唔夠瞓加啱啱醒時的 lazy eye 最明顯。只好怪我忘記幫佢戴眼鏡。

平日無機會食的 McDonald's 早餐。

食完跟 Dondon 上 office 擰糖， 開始精神返。

去公園玩多個幾鐘先返學。

好彩返學無扭計。

放了學仲同 SY 食個 tea 先回家。CD, 你開心啦。

開心農莊

十二月了，仲咁熱。

CD 同學約了去農場 BBQ。

好熱好曬好多人呀。

但真係好多野玩。

我哋啲城市人見到隻螳螂大驚少怪。

呢啲設施公園好少見。

好污糟呀，點解可以玩得咁開心。

好彩有男士起爐。

呢位太后。。。。

我唔多喜歡 BBQ。我覺得大人吸啲烟已好傷身， 小朋友更甚。

啲食物燒過又好無益。

其他媽媽唔比小朋友食糖但會成日同佢哋燒野食。
同我唔同。

日落舒服好多。再玩。

 CD 玩到走，出了門口仲話要返轉頭玩多一陣。

CD，呢度好偏僻架，唔快啲走有鬼出來架。

老友鬼鬼

每星期也去一次的飯堂。

CD太喜歡老闆同啲麵了。但每次銷費千多元，好想戒咗佢慳吓錢。

CD 老友 Kayla。 每星期一齊上 art 同芭蕾舞堂。 

上完堂一齊食 tea.

食完唔肯分開，要過來玩。

打埋邊爐。

沖埋涼。

跟住話要過夜。

好勇敢的小朋友。CD 一定唔肯去出面過夜。

可憐 Dondon.

癲到 2:30am 先好不願意地暈了。

希望佢哋友誼可一直維持下去。