我塊面大大扁扁的，成日比人誤會係上海人。係香港我周不時會食上海菜，最鍾意獅子頭。
今日同Dondon食左一日上海 (北方 ？) 菜。
午餐買了鹹豆漿鹹豆腐花茨飯大包餃子。
晚上邀請Susanna 一家來食飯。
雲吞雞湯。落埋元貝同金華火褪，唔會唔好味lu卦
叉子燒餅
榨菜肉末
炒鱔糊
獅子頭
海味雜菜煲
另加蒸水蛋，係BB專用的。
BB好大個，好多野講。食完仲同我地玩 air hockey，不過佢好茅呀，雙手並用。
星期日同Gale 飲茶。原來佢自從養左狗仔之後已經唔再食肉，唔怪得瘦左。
我請飲茶，Gale就請飲珍珠奶茶。近排Flushing間間都有買一送一，$3.50 兩杯，好抵呢。
8 comments:
你真係乜都識整，好想食啊~~~
[小友回覆11/21/2011 10:00:00]嘩，我第一次聽freshman 15呢個term，查完維基先明點解。我個人偏瘦，原本都係大概55kg，最近一次磅完都只係接近60kg. 5kg即係11磅到啦。其實我正餐食野係少左，但d野無咁健康，而且成日食高熱量零食。 老實講，家鄉美食就緊係有掛住，但我今年聖誕同復活節返香港意欲都唔係咁強。
[版主回覆11/21/2011 09:06:54]留學生會好掛住家香美食啊。講開又講小友你會唔會有freshman 15？我讀完第一年變左130磅，好鬼可愛架。
You do resemble the Shanhai girls!!! I love Shanhai dishes, Joe Shanghai in Chinatown is great!!!
[版主回覆11/21/2011 22:19:11]Flushing 都有 Joe Shanghai，成日都排長龍.
我都喜歡吃上海菜，特別愛吃一款甜品，用紅棗糯米做的, 忘了什麼名字。
[博師奶Mrs.blog回覆11/22/2011 09:46:54]對啊﹗就是心太軟。味道好, 吃著感到很滿足。
[版主回覆11/21/2011 22:20:23]Dondon 媽咪整過比我，話好補血。
[Jo 姐姐回覆11/21/2011 21:54:45]我又嚟搭訕 :P 博師奶 Mrs.blog 妳好 ^^ 妳講嘅甜品 應該係呢款糯米紅棗 又叫心太軟 ~~
http://blog.19lou.com/10578558/viewspace-8304455
上海菜我都愛 特別係包點同麵食 :P 嘩 炒鱔糊妳都識整 好叻呀 係咪用新鮮黃鱔架? 我都好鍾意 好好味呢 獅子頭整得又係靚喎 原來妳先至係高手呀 ^^
[版主回覆11/21/2011 22:23:21]我邊有咁好心機同技巧丫。乜都現"醒"架 - 雪藏叉子燒餅，雪藏黃鱔，雪藏雲吞。
我都好想食，不過而家真係懶得入廚房，就算入都係整D好簡單既野，老公又唔比我買frozen food, 話無營養，唉，更加令我好煩惱，因為唔知食咩好。
[Mrs. Wu回覆11/22/2011 04:29:01]個工人咪亞媽囉，哈哈哈！！！ 其實都唔係當佢係工人，不過如果佢過來，都係佢煮飯，因為唔駛返工呀！ 我老公寧願唔食都唔會煮，懶到出汁！！！！！！>_<
[版主回覆11/22/2011 01:43:56]叫你老公幫吓手，佢制唔制？或者去奶奶道食？我諗 frozen vegetable 都有營養架。你話喺香港幾好丫，有工人煮。
我猜你最大的日常消費，除左供樓和納稅，煮野食是最多啦！兩個人都成日煮咁多野！有朋自遠方來，仲多！俾十個 [讚] 你！我地香港而家真係極少招呼朋友返屋企食飯！
[版主回覆11/22/2011 22:14:43]嘻，比 fatty 讚好開心。請朋友食飯最好係打邊爐。煮飯人少少就得。
Angela, 我反而覺你似韓國人多一點，.....你個餐上海lunch貴唔貴架？好多嘢食呀！......原來你自己都識整咁多上海菜，勁呀！話時話我很喜歡食獅子頭架！......你同朋友飲茶個環境唔錯。你有冇帶過big daddy食過！....珍珠奶茶係我至愛，你個邊賣得好抵呀！我依邊$5 有兩杯，仲限味道，我仲以為平添！哈
[版主回覆11/23/2011 22:17:48]個上海 lunch 係最平的選擇 - $8 咋！Big Daddy 去過嗰道飲lu，點心真係好正宗. 我哋今晚到 Toronto，唔知邊道飲茶好呢？
1) 唉....原來上海人是大塊面? 吓唔係大鼻呀...!! (講笑).........2) 妳炒的鱔糊好呀....唔油淋淋, 叻女........3) 啊, 食素會和養狗仔都有關係..?? 什麼道理...??
[The Teacher回覆11/25/2011 11:12:06]I love 獅子頭 also, except I didn't know it's Shanghainese... By the way, your friend is only the second female Gale I know who spells her name that way. The rest are all men.
[The Teacher回覆11/25/2011 11:08:45]Her non-kill policy only applies to 生 with four legs? Wjhat about chicken, duck, and goose?
[版主回覆11/24/2011 22:41:43]3) 話唔殺生喎，但係海鮮佢又食，咪又係殺魚蝦蟹!
Post a Comment