雞翼王駕到

好開心，我細佬星期一就到紐約喇。細佬係我一生最緊要既人，真係無任何人或事比佢更重要。我希望佢黎到呢個月會開開心心，解決晒d問題。

之前大把野要準備 - 羅錢，買gift card,  配門匙，洗衫，洗床鋪，洗被，連sofa套都洗埋，仲要執好個恐怖衣櫃。又要買定支裝可樂，Snapple, Tropicana, 唯他lemon tea, 豬肉鬆，牛肉乾，介辣青豆，最抵死係我要開始整定炆雞翼，籮白牛腩同煲定羅宋湯。我想d牛腩淋d，湯入味d，而雞翼要最少醃兩日係我細佬 - 雞翼王既最低要求。

雞翼王曾經誇口話自己可以食出醃一日同醃兩日雞翼味度既分別，亦催虛過自己已經試過晒"一百種雞翼煮法"。

哪，如果到星期一d野壞晒唔關我事架。

 

 

 

 

幣，大家有無見到中間隻雞翼有少少地方無醃到呀？唔知翼王會唔會退貨哩？