三級版周年紀念 - 大長篇 I

每對情侶都會有拍拖周年紀念既日子，有些人甚至拖手，接吻紀念日都會慶祝。好可惜,  莫講話邊日，Dondon同我邊年開始拍拖我都唔記得，死未。唯一一個日子我記得既就係6月13日。今年慶祝第一年 - 舊年呢一晚就係我失身日子!

警告：以下內容或會令人情緒不安，敬請留意。

呢日好值得記住，對我黎講好重要，我係排除萬難，用左好多勇氣，時間同金錢先可以有呢日。一直我都以為自己只係唔贊成婚前性行為，都唔知原本我係有性障礙。多年前有次做身體檢查，個醫生淨係叫我擘大對腳我已經起身走人。醫生話: "綿花棒至喎? "我個感覺係好似有人要篤支冷針入我耳仔咁 -  唔使諗，無得傾。醫生: "唔得喇，你要去睇吳敏倫醫生喇."

就係嗰時我知自己有問題，但嗰時都無理會。O車，男朋友都冇投訴，結左婚自然得架啦。結果過左幾年男朋友就離我而去，原因心中有數。

到咗同Dondon拍拖X年，佢亦冇投訴過，但我自己反而好想解決個問題。當然第一個會幫到我嘅人就係 - 細佬。細佬幫我做咗好多research，搵到一個同我同名同姓專家。我就係2010年5月飛返香港接受治療。