孤獨一星期

爸爸媽咪星期日出發上船。我即刻覺得好空虛。平時起身我實貢上媽咪爸爸張床，一齊傾到夠鐘返工。今朝起身-----無人嘅？


臨去旅行， 虐待多一次先， 幫我吸塵～～
 


上船前一晚打邊爐。主角係兩位最得意的BB。 
 



**********************************************************************
 
 

玩得開心啲，但唔該快啲返嚟陪我！

另類金句王

今晚同爸爸媽咪食台灣牛肉麵。 

麵嚟到嘞，Dondon 開始食，"SUET～SUET~ SUET～～"大聲到成間餐廳都聽到。平時喺1K食到咁大聲都算，但大庭廣眾好似唔係咁好，我就話, "Dondon, 咁大聲嘅？"

Dondon , "日本人食麵越大聲越好。喺日本啲拉麵檔老闆聽唔到你大聲食麵會覺得你好唔尊重佢!"

但                  1） 我哋唔係日本人

                      2） 我哋身處係Flushing，唔係日本

                      3） 我哋唔係食緊拉麵

食完之後 Dondon 飲咗一淡水，跟住將啲水喺口腔內 chok 吓 chok 吓，又係好大聲
，好似漱口咁。我好驚訝咁望住佢，Dondon 就話, "牙罅有嘢嘛！"

我最怕就係 Dondon 呢種 9 噏性格，幾唔啱嘅嘢佢都實講到好有理由咁。就等於一個賊比人捉到偷嘢會答, "我肚餓吖嘛，肚餓都有罪? "  OR 文化不同人仕到處便瀝後話, "我急吖嘛!"


既然要對一世，最好的應付方法係當聽唔到。下次你有 suet 你
suet ,  我有我食。 

姑姑到

我成長時期有部份時間係姑姑嫲
嫲爺爺照顧。 姑姑一直單身，同嫲嫲在多倫多相依為命。嫲嫲去年過身後姑姑好堅強，好快適應自己生活。以前為照顧嫲嫲她完全沒有私人時間，現在有時間了，就嚟 New York 探我哋 4天。 

四個人去接姑姑機。  

落機即去食晚飯。 
 
 

姑姑同媽咪好老友，以前媽咪在多倫多坐移民監時有自己屋都唔住，凋空間屋，搬去同姑姑嫲嫲住。今次見面兩人晚晚傾到唔肯瞓，雞啄唔斷。 

 

因為我要返工，爸爸媽咪負責帶姑姑周圍去。去過 Ground Zero, Grand Central, Central Park, Museum of Modern Art, 5th Avenue 等。 


**********************************************************************

母親節那天去 Apple Bee 食 lunch，怕中國餐廳多人
。 食完 Dondon 父母來打麻雀。雖然母親節, 只有兩位爸爸有食過糊。

 

晚上 Dondon 爸爸揀了間四川菜餐廳。裝修是70年代的國內 feel，食客全是大大聲大大隻的北方人。啲餸碟碟辣油浸着，見姑姑同媽咪爸爸食到鼻涕眼淚流哂都幾好笑。
 

阿炳！
 
 


******************************************************************************
星期一，工作日，返工時間， 我竟出現在 downtown 做遊客。 最後一日，都想同姑姑去一些地方，都係 take 個長 lunch 啫。姑姑很欣賞 New York 的舊建築物。 
 
 

行完去 Chinatown 食潮州嘢
 

這旅程姑姑食了很多，原來有人可以食得多過我，佩服。
    

 

 

姑姑今天回多倫多了， 下個月見！

誰說錢不重要

爸爸媽咪來了兩個多星期。雖然會同佢哋出吓去食飯，但都係去些平民地方，離不開 Flushing。家姐嚟了兩天立即帶我哋去食返像樣一點的東西，遠離 Flushing。

平時我返了工他們只可在附近逛，因 1K 的地區不是太好，爸爸媽咪行出行入也見到廢車場，graffiti，車房，大陸人, 滿地垃圾, public housing，爛屋爛車，我都寧願他們多留在1K。

幸好他們還有個富裕大女，安排了他們去倫敦數天。上星期剛回來, 今天家姐又 send 了個 itinerary 來，原來 book 了 Bermuda Cruise 比他們下星期去。$2,200，我一定唔捨得。

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

家姐以前亦好努力生BB，試了幾個月唔得立即開始IVF。試了五個 cycle 用了過 $100,000不成功, 立即領養，又洗了 $20,000 多。最後幾開心，一家三口。

我最盡力只可做到食中藥。身為西醫的家姐不贊成我繼續食中藥。她說那些不知名的中藥成份令我暴肥，她很擔心。IVF成＄20,000 一次，機會仲好低，我唔會徙錢搏，領養更加唔使諗。

雖然我唔係名門望族大富大貴，但嫁比Dondon 後生活上的確有一個大downgrade。我無所謂因為 Dondon 好錫我，但如果有細路我唔想佢喺呢種環境下成長。所以我還是決定唔生BB了，無謂累己累人。

如果我有錢，以上問題就全部可解決了。

飲杯！ 第一站

結婚晚飯第一站喺 New York。 我本身喺度好少朋友，呢餐本來為 Dondon 家人請佢哋啲朋友，結果得 4 個，所以我請了幾位中學同學撐場。

爸爸媽咪家姐, 一起出發. 
 

大陸歌卡拉OK，熄都熄唔切。仲見個 waiter 走勻全場追趕蒼蠅. 3檯得一個 server, 要自己斟酒夾餸，真特別。 
 

Kathy + Ben 帶埋佢媽咪(我的雀友)及兩個女女嚟。 

 

 兩位高材生同學 Celine + Annette
 

背景對住鏡頭的 1 男 3 女
就是 Dondon 父母唯一朋友，好似好悶咁。 

 
 
 
 
 
 

阿炳 Salina 一家同 Dondon 父母一檯, 完全無講嘢。平時不停口的 Salina 靜了很多，但不無金句。

第一度菜上檯她已大聲宣佈: "我哋呢幾日無時間煮飯，食剩啲野我哋要擰." 到食翅嗰時, 伙計介紹 - "XXX翅." (忘記係乜）Salina 就話, "呢啲係翅咩，邊係翅呀."  可憐的阿炳，呢啲老婆點帶出街？安之整晚爬地大叫，安童就擰住啲公羹公筷當波板糖逐支舔。嚇到其他父母都唔敢比佢哋仔女同安之安童玩。 

Dondon 父母亦騎哩，客人都未走佢哋急急腳走人，話泊車泊多個三個鐘要比錢喎。 







回到1K，貪相即露！
埋單 $3,300，收返$3,800，仲未計我家姐比的 $5000 +父母比的 $5000，我靜靜雞袋哂!原來擺酒真係有得賺....
 


今晚的食物服務雖然極麻麻, 但我依然好開心。我諗嚟緊 Toronto 同香港兩餐會仲好。 

與大肚無關的兩個好消息

好消息 1
媽媽爸爸到咗喇！喺機場見佢哋出閘時開心到跳跳吓。落機後佢哋固然很累。幸好有個孝順女煲定人參雞湯， 再叫些外賣，食完爸爸媽咪上床休息。因為要返工，唔係太多時間陪父母，只有飲飲食食。





食完不忘勞役倆老 -

搬凳!


抹檯!


陪我打波!


周末父母同 Dondon 父母見面。 

留意兩位媽媽的祖國式絲襪。


好消息 2
先講我公司結構 - Esprit New York office 有 5 間註冊公司,  執 4 間, 淨返 1 間 Esprit International. 

美加全部 Esprit 舖頭已於上半年陸陸續續關門。寫字樓員工昨天走埋。現在只淨 finance team 總共十多人要埋數 。他們亦會於八月後失業（包括Dondon）。

今日老闆突然叫我入房，叫我唔哂搵工，因為佢想我幫佢睇美洲 licensing 同 legal matter 。  

打雜王翻生!!

我計劃有變了。 既然有穩定收入， 我會買多一間小小 apartment 出租。 好安逸呀～～～