心情好複雜呀

Big Daddy 黎左New York 探朋友。特登走黎我office搵我，太榮幸喇。見面雖然短短幾分鐘，但係臨話別我都無蝕底禁到Big Daddy 手瓜起蹍既muscle一下。嘩，仲勁過Dondon! Big Daddy 希望你今晚玩得開心d，回程一路順風!

之後去同由香港黎既Doris 去Starbucks飲野。

今日係公司一年一度既美食節。去年我煮左個泰式沙律，淨係挑蝦腸都挑左半晚。結果食得一半。太浪費食物喇。今年決定整d岩外國人口味，簡易又平宜的送。。。。。買兩包炸豆腐，整個甜酸汁，再比個美麗既名字給它 -

ORIENTAL SWEET & SOUR

 FRIED SOYBEAN CURD

成個製作過程5分鐘，費用少於$5。嘩哈哈哈，醒! 試下味先 - 唔差喎。不過留返比d同事喇，我會食其他野

2/16/2011 元宵節 WEDNESDAY DINNER

粉絲海味雜菜煲

牛肉炒飯。原來唔使用冷飯都炒到

本來星期5係最開心既一日，點知臨放工HR召左我入房 - 集團主席的行政助理剛辭職，主席竟然睇中我。HR講到呢個係個好好既機會。我都好明白，呢個新post將會有好多exposure，學到好多野，薪酬亦會加多好多，但係佢地唔明我既環境/心態 - 我真係一點點事業心都無。每天我只求5點鬆人返1k煮飯，仲有我要好多時間打機嘛。錢我唔多但我亦唔恨 (中6合彩彩金除外)。為何要邏苦黎辛？

好煩好煩。頭痛於點推？老細一定唔會預料有人咁蠢唔接受這offer，我亦唔想比佢知世界上有個咁無大志既大笨蛋。喊住去搵Dondon求救。

希望聽日醒來發現呢個係個惡夢啦!

春天在望

我好怕凍。上個星期等巴士吹了30分鐘風，第一次凍到喊。係真喊，有眼淚(差點結冰)的喊。今日返到office見到showroom個display換左春夏theme，我一見到開心到變左隻蝴蝶，係d花到飛黎飛去。仲有兩個月我就解凍，期待啊。

情人節，又有花，送花既係Michael，一個我幾年前行山識既朋友。我每年生日同情人節佢到花到人不到。呢段友誼算可算非常持久。

講開收花呢回事，唔知點解女人會比人標籤為 - "情人節恨收花"，尤其係office當住d同事面前。冤枉呀。我以女性身份100% 老實告訴天下 - 收花固然開心，因為知道有人痛錫你，但同虛榮感一點關係也沒有! 係人面前收花我絕無"威呀!"的感覺，收唔到花或情人節一個人過亦不覺羞恥。有Dondon得架喇。

 

Dondon今日捐血，驗到膽固醇高 (定血壓高話？)，於是戒食牛 。。。。一天。

牛扒燭光晚餐變蒸魚撈電視汁，真夠浪漫。

2/14/2011 MONDAY VALENTINE'S DAY DINNER

蒸鱸魚

炒菜

芥菜鹹蛋肉片湯

情人節周末

星期六訓到黄朝白晏，牙又唔擦面又唔洗，攤晌電腦面前打機。忽然看更按鐘話我有delivery。弊，蓬頭垢面衣衫不整，只好叫送貨哥哥放晌門外。沖完涼打開門口就見到紮花。早左兩日到。睇下個card先。好熟面口喎，啊，同公司係我做滿5年時送比我既message一樣。

夜晚去食sushi buffet。又係發癲既時候。淨係sashimi都80塊。連兩支sake同貼士，埋單才$60。

星期日估唔到仲有禮物。我仲係張床度未訓醒，感覺到Dondon晌我側邊郁下郁下咁，原來Dondon想幫我帶起條鏈。心型既添。多謝Dondon，呢個情人節周末真的充滿驚喜。

 

本來應承外甥女情人節去Boston探佢，但係佢地剛剛領養多隻貓，Dondon有敏感唔去得，唯有快郵寄隻熊仔tum下佢。

2/10/2011 THURSDAY DINNER

粟米雞肉飯

薑荵炆蠔

炒三絲

無色西洋菜湯。會唔會係未煲足4個鐘？抑或落唔夠西洋菜呢？

2/11/2011 FRIDAY DINNER

食'清雪櫃'餐

擔擔麵

皇帝菜

依然無色西洋菜湯

Dondon 評論 - 個麵d肉太多根菜有沙湯無味

唯有開罐沙甸魚比你喇。同埋車里子。

2/13/2011 SUNDAY LUNCH

生菜雞絲粥

蘿蔔芋頭糕

湯丸

2/13/2011 SUNDAY DINNER

生炒糯米飯 (其實係似糯米糕多d)

韭黃炒蛋

雞腳花旗參湯

 

情人節快樂~~~