戰戰兢兢

嘻嘻，連post三日晚餐，實聽冬冬blog友fatty柄。

原諒我喇fatty，煮野真係講天份，生出黎無就係無架啦。但係我d晚餐充滿愛心喎，每日放工咁累都煮野

 

10/19/2010 TUESDAY DINNER

甜豉油雞肉炒通心粉

姜汁菜心

西施骨煲赤小豆鮑魚菇

 

10/20/2010 WEDNESDAY DINNER

返兜通心粉

蝦米粉絲紹菜煲

雞骨冬瓜湯

10/21/2010 THURSDAY DINNER

牛肉炒蛋

琴日既紹菜

酸菜黃花魚豆腐湯

同Dondon連環煲獎門人。睇完我地兩個無聊怪試玩超級無敵爆波波，躂到我死死下。仲話想我大肚喎。。。一時又迫我擒馬騮架，一時又挑戰要跳樓梯鬥多級，今日仲躂我生魚。Dondon你似想幫我落仔多過想我大肚。

電腦整好! 即刻睇返頭四集義海豪情。好好睇呀，估唔到電影劇都可以咁緊張。好野，呢幾個禮拜我又搵到人生意義啦。

 

去Boston幫家姐湊女

咁岩星期一家姐同姐夫兩個都要出trip，外父外母又飛左去加州，佢地既女雞雞無人睇，唯有出動我同Dondon啦。星期日食埋個最後麵包午餐先出發去Boston，去到家姐屋企無中國野食架啦。

Dondon楂得比較快，大約3個鐘車程。下午到達。

家姐呢個control freak 已經寫抵聽日全日rundown比我地。我地三個去雞雞學校接雞雞，個日學校有個carnival。

沿途比呢組紅綠燈嚇親。

著左媽咪件衫，幫媽咪瀝手袋既雞雞

雞雞幾幸福，睇下佢間房幾舒適。

間玩具房仲大過我6k。

因為家姐係個frozen food 之皇，Dondon唔食呢d野，於是夜晚同我去左Cheesecake Factory食dinner。但係夜晚家姐都切隻新鮮菠蘿比我地，好比面呀。

雞雞下星期生日。生日禮物已經陸續收到。

星期一一早6:45起身，點知control freak 已經搞掂好多野，雞雞已經準備好晒。家姐7:15就去機場，Dondon同我7:30車雞雞返學。

唉，諗住送完返去訓返，點知。。。。我竟然無帶鎖匙!!!打比係Salt Lake City開緊會既姐夫求救，佢call左個locksmith黎。開完，開張單比我，一睇 - US$447.20!!!!

我真係有D想自殺既感覺。姐夫係要比返錢我，但係邊可能丫，我既錯嘛。

 

開鎖富豪

今年我呢隻大頭蝦既破財記錄包括-

1. 跌銀包兩次(3日內)，無左過$1000；


2. 去錯左insurance唔包既牙醫，補左4隻牙盛惠$2500；


3. 泊錯位兩次抄牌$250；


4. 裝修個廁所廚房仔 - 用左成$30,000

仲有好多好多小損失。人地話破財擋災。我一定係原本今年會死，要比咁多錢先擋到。

含住兩殼眼淚，食快餐好啦。Faningle Bagel。

Dondon食egg sandwich，我慳錢食霽bagel。

下午我地兩個戇居居，無野好做，hea 下hea下去左個bar坐，叫左碟nachos。Dondon飲左5杯啤酒，我叫latte。飲完Dondon醉晒，要我楂車去接雞雞放學。

返到去餵雞雞，雞雞一路睇Star Wars 一路食罐頭speghetti。8:30 就send 雞雞訓覺。可憐Dondon，無啖好食，又病，又對隻貓敏感。晚餐因為得frozen food 佢寧願絕食。姐夫半夜返，Dondon已經想走人，但太累，唯有等天光。

成晚睇電視。好彩家姐買左部3D電視。我呢個大鄉里成晚對住部電視係被竇裡面過。

第二朝天朦光兩條可憐蟲即刻著草走人。Dum行油直剷返New York，第一件事去飲茶! 兩個人食左8碟，我要用食物黎補償心靈+金錢創傷。

始終都唔可以想像係Boston生活。好似整日無所是事咁，又凍又悶又無野食，加上呢個$447.20大打激，本來諗住無下次，但係今朝雞雞臨返學攝左呢封信比我，睇完心都甜晒。好喇，如果家姐你再有需要，打比我啦!

Dondon 病左

Dondon病左呀。發燒，咳，喉嚨痛，流鼻涕。連咀唇都白埋，無陰功。佢依然堅持聽日同我去Boston。好喇，至多我楂車啦。

煲左薑可樂比Dondon飲。佢之後park 左d國內研製感冒丸，希望唔好食死啦。

Lunch去東海漁港外賣。呢間係Forest Hills 唯一一間真正中國酒家。比起Flushing個d乾淨d，裡面多數係香港人，但係價錢貴好多。

叫左兩個酒樓碗仔size皮蛋瘦肉粥，一碟仔豉油王炒麵 - $15! 列入黑名單!

Dondon 上網查"感冒時應該食乜" - 雞，豆，魚，蛋喎。於是今晚個晚餐係 -

10/16/2010 SATURDAY DINNER

用黃豆煲既魚片粥

蒸雞脾

拾菜心

煲粥蒸雞好易整，不過煲粥個時要睇火，又會比D滾粥彈到，洗煲都幾費時。斬雞又彈到幾呎遠都搵到D碎雞肉，當中辛苦不能為人道。

 

同Dondon買左返香港機票。點知第二日佢老細就話比Dondon知佢有個business trip， 要同一時間去香港，上海同德國。

Dondon陪唔到我事小，話晒我返到香港要好多自由時間陪屋企人，見朋友同shopping。但係Dondon`個人上上海!!？嘩，我死人都跟去。我當然無比Dondon知我既擔憂，只話比佢聽我想去上海睇世博。事實我最抗拒返大陸。

風迴路轉，經過Dondon一番唇舌，tum到上海同德國d同事黎晒香港。嘩，Dondon呢個trip 發達啦 -

• 免費機票(公司reimburse佢原本張機票)，


• 免費Grand Hyatt住宿，


• 每日US$80 meal reimbursement，


• 免費car service 來回機場，


• 仲有US$1000!! 呢筆錢係公司travel policy，如果staff飛international flight 肯飛coach 而唔飛business class，可以囉 '補償金' 一千大元。一家平宜兩家著，book business 要成萬蚊架。

Dondon，我返香港shopping 你sponsor我喇。

 

公主駕到 - Rebecca 到訪

10/12/2010 TUESDAY DINNER

白汁蜆長通粉

牛丸鹹蛋冬瓜湯

 

Rebecca 由澳洲過黎，一個人周圍去，估唔到佢衣家變到咁獨立。Rebecca 係個掌上明珠，佢父母成四十幾歲先生佢一個，錫晒佢喇。我仲記得佢讀到中學仲係有個老工人接送返學，仲送埋飯。Rebecca 話佢成11歲先掙取到自己沖涼。成十年有多無見，但係依然一見面就唔停得口。

10/15/2010 FRIDAY DINNER

Dondon 點菜

蝦米蒸蛋

菜遠牛肉

雪耳雞湯

 

有D 唔開心。姑姑將會送女麻女麻入老人院住一個月。仲要係猶太人開既。女麻女麻唔講英文，又唔知食唔食得慣猶太餐。女麻女麻好怕黑架，成日要癡住姑姑，跟出跟入。可能就係因為煩得滯，姑姑頂唔順。係我地屋企送父母去老人院係好大逆不道既事。但係又好難怪姑姑，佢無結婚，女麻女麻一直由佢照顧，我諗姑姑好需要透一透。一個月好快過既，女麻女麻勇敢d呀。爸爸媽咪，將來就算你地失憶失禁，流口水發巔。。。我一定會照顧你地一生一世，總之永不分離。

係咪我歧視？

10/10/2010 SUNDAY DINNER

12345排骨with 炒米粉

茶葉蛋滷水花生

蒜蓉西蘭花

排骨羅漢果煲霸王花

夜晚Dondon大佬舉家無里頭過黎睇電視。安之同Dondon入房打機。玩到唔肯走，仲叫佢爸爸媽咪自己返屋企。遊戲機真係咁吸引d男仔既？Dondon同佢大佬都可以不眠不休打成日機。Salina話佢成日因為呢樣野同Dondon大佬炒野。好彩我又完全唔介意Dondon成日對住部電腦，總之唔涉及女人既佢做乜都得。

 

星期一放假。咩假呢？Labor Day？President's Day？唔記得勒。一早(12點叫好早架啦)去東王朝飲茶，等左15分鐘就有位。東王朝晌呢樹已經係唔差既酒樓，最少唔係太多大陸人。但係當然比唔上香港啦。睇下 - 穿窿台布，龜裂茶壺，不舉植物，係香港d酒樓邊有架。

食左綾魚球，蝦絞，燒賣，蝦腸 牛腸，油菜，鳳爪。

哎呀，七碟唔老黎，叫多個蛋撻先。熱辣辣喎。

埋單!

食完去買送，見到一幕恐怖事件。呢度超市通常有個雪櫃放豆腐呀，雪菜呀，冬筍呀之類既貨，佢地係浸晌個盆度比人用個羹''不"出黎。當我地行經個個section，見到有個大陸女人，用手執起一束雪菜，放個菜頭入口，咬左個尖尖試味，再dum返個舊雪菜落d水度。嘩，嚇死我喇。Dondon見我一臉驚訝，仲好似怪我大驚小怪，話，"唔試點知好唔好味？" 我真係唔識應對。算啦，睇完海港城段新聞，個大陸女人無係超市屙屎已經好比面。

成個long weekend 係度追無敵獎門人，一集接一集，睇完個人好暴力。好想搵人虐待下。

10/11/2010 MONDAY DINNER

雜錦煲 - 蠔士腐竹粉絲炆冬菇

豆豉炒油菜

豬骨蠔菇湯

火龍果