又去揾 Dondon 食 lunch。
每次去都要讚嘆吓啲價錢同份量。
"Dondon 呀，我諗過喇，我嘅下半生係無憂嘅。就算無哂錢我只要每朝喺地鐵乞錢，乞到中午應該有 $3.50，去唐人街買三個餸嘅飯; 下午再乞晚飯錢。夜晚去 subway 瞓。"
"Lala，你好有 planning 好有大志呀。"
失禮失禮。
**************************
某晚的晚餐。
那條黑色的薯條令我耿耿於懷。
********************************
Whatsapp 比 Betty, "b, 唔該執啲 LY SY 舊衫比我吖。"
過了幾天門口又出現一箱嘢。有 12 件新衫仔。
我之前買了 5 件淨色和尚袍，諗住係咁架喇。BB 衫著得一陣，o徙咩錢吖。
依家嗰粒嘢見得人，多謝舅父舅母。
不過我以後有嘢要唔會再同佢哋講。
26 comments:
Angela...bb 衫真係著得幾個月, 買得多都無用...
妳真慳家呀 !
係呀，一切要簡單。= )
哈哈！心心 d 打底衫，著到吊晒手腳都仲著！真係由兩歲著到而家，笑死！佢阿媽又係咁話，細路 d 衫著一陣就唔 arm，唔洗咁靚！
而家仲上埋淘寶買大陸衫！不過 CEO 唔俾佢買俾心心著！驚有毒！
不過淘寶 d 衫褲又幾可以！平，三、四十蚊有交易！手摸質地都唔貴！
哈哈！唔洗去地鐵嗎養老呀..................不過唐人街又真係好平！直情平過香港！
今日下午食個特價下午牛腩撈麵餐+熱檸茶：HK35=US4.5
d 鞋仲快唔 arm 著！
未識行，唔使著鞋啦。
吊腳夏天著咪幾型。
淘寶我唔會諗。咦，以我標準唔算平喎。我買嗰 5 件都係廿幾蚊。有套HELLO KITTY最貴，HK＄40。
FATTY 你個下午茶餐夠唔夠大架？好彩我無食TEA習慣，慳返。
你買啲日常嘢就得啦, 靚嘢留翻俾舅父, 姨媽, 公公婆婆同埋啲姨姨之類嘅朋友買都實夠著!!
我嘅孤寒係一致架。買貴嘢邊個比錢我都覺得唔應該。所以我堅持無BABY SHOWER無GIFT REGISTRY。
CECI唔準密謀買嘢比我。 = )
不過心心高得好快，d 衫仔褲仔一陣就唔 arm 著，唔夠長！好在佢唔肥！
打波十二點打到三點！係正餐黎架！不過份量都幾大！我都無 Tea 的習慣！同老婆一齊就會，因為佢每餐都食少少！佢話三個鐘一餐最理想！
My son wears my nephew's clothes. My daughter wears my son's clothes.
After my daughter’s dresses become too short, they become her tunics.
哈哈哈哈。。。好好吖， 我家姐都係著我淨落嚟啲衫，因為我大隻過佢。
我做嘢係唔會密謀嘅!
what is black fries??
嗰條炸燶了的薯條。係佢令我唔可以清碟。
is it fried chicken with fries? look so tasty! Excited for u, less than 3 Months to go!!
係呀, chicken in a basket。我仲問佢點解無 basket。以前細個喺香港Spagetti House 食真係擺喺個籃度。
三個月。。。好驚呀 Mrs Tin Tin，希望唔好咁痛啦。
放心，仲有aunt wu同hannah姐姐既衫，嘻嘻嘻.....你未出世已經好多人錫啦！！！！
嘻，諗起都開心，多姐Auntie Wu 多謝 Hannah 姐姐！
Betty 同你細佬一樣，都係咁快手快腳，同埋咁錫你同 BB (^_^)
我屋企無乾衣機，所以大爺仔細嗰時會買多幾件和尚袍，怕 D 衫乾唔切無得替換 (-///-)
呢度啲嘢咁平，唔好喺香港買喇。Skyview Mall 有間Carter同埋Oshkosh, 成日有减價，又平又靚。
唐人街真係平得過份，喺法拉盛就無呢支歌仔唱lu。
我都發覺美國買BB嘢，大大細細嘅嘢都平HK—大guet. 細佬都係上gilt.com 買。
法拉盛食D嘢大陸D，冇乜地度HK食物。
我諗住唔夠著用毛巾包，好彩係夏天！
做小孩真幸福,有那麽多大人買衫,到大的又是講玩具了,1K好快唔夠地方用,重要準備換車SUV七人車到時真係喜氣洋洋了,送妳一萬個祝福.
係呀， 就買新車了。
Angela:
~我好相信你daddy 下個月由香港飛黎美國, 他個行李全是小Lala嘅用品!!就算你唔出聲, 你daddy, 你細佬and Betty, 一定比好多物資比你!! 你上次係家姐屋企攞張bb床, 砌好未?
~你幫襯間唐人街鋪頭, 真係好抵食!! $3.5 us, 我係加拿大都食唔到一個麥當當兒童餐!! 加拿大做唔到乞夷, ----依份工!! 哈哈~~~~但估唔到個menu 有埋越南文!!你個邊都多越南人?
爸爸好怪， 次次飛淨係肯拖兩隻細O急。 我未有嘢比佢擰住。
我都唔知點解間舖頭用越南名。 我喺唐人街街都好少見越南人。
Post a Comment