再見大舊仔

約了靚女同學去睇 Beauty and the Beast on Ice

個個小朋友盛裝。 

借埋 booster seats，準備好！

原來都幾悶吓。係 Russian 團隊。我覺得比大人睇啱啲。因為版權問題完全無 Disney feel，Belle 又唔夠靚。好彩都睇到完場無扭計。

謝幕時觀眾一堆一堆咁走，對表演者好大侮辱.....乘機教 CD 要尊重人。CD over 咗拍爛手掌。

冒險樂園係燒錢地方。我對付呢個地方招數就係。。。。唔好睇唔好諗價錢哈哈哈。 

貪人迫咩？去書展......原因又係好朋友，表演梗係捧場。 

好有文化的我們。在書展買了一樣野。。。吹波波。 

呢個年齡最好，無顧慮唔怕醜，去到邊都識到朋友。 

發現新大陸！呢個 playhouse 任玩一個月的 weekdays，只係$300. 平時啲 playhouse 去 3 小時都 $200，呢個又近又抵， 一於日日去！

無聊到去偷睇婚禮。我哋兩母女真係好唔願返屋企。 

大舊仔終於喺佢 16 歲離開了。

好慶幸佢最後無痛苦。

之前已有預兆的了，他不再吃喝任何嘢。

早上工人發現他在睡夢中去了。細佬臨走已交帶工人點做。

但我都上佢哋屋企 certify 大舊真的去了。摸摸他同他講幾句說話，清潔吓再用佢最喜愛的被包好。

大舊就交了去動物屍體處理的中心。

多謝你大舊。我雖然認識你不太耐，但你係一位好善良的朋友。CD 第一句會講的句子就係叫你。你好好休閒啦。

自由真可貴

暑假細佬一家去哂 Seattle，CD 無得同哥哥姐姐玩了。

唯有等我安排多啲節目比 CD。

姐姐臨出發都約多佢一次去整木櫈。 

張櫈係佢哋自己砌出嚟，上完色再裝飾。

真係坐得㗎。 

整完櫈仲可以玩波波池。

放假約返以前 playgroup 的舊朋友，個個大個哂。 

探 BB，即刻靜哂斯文哂。 

去認識海洋。 

睇珊瑚 ----- 出奇地專心，仲答到問題。希望返學都咁乖。 

CD 期待已久的芭蕾舞堂。 

上得好開心。繼續呀，不要放棄。 

上到好累。。。。之後仲要返 drama class。 

好彩一上堂又精神返。 

襯 CD 上堂，我可以返屋企歎我的 bubble tea。 

一路飲一路睇三級片，爽。 

放假喇！

 BY 13 歲了，但可愛依然。

同同學去食九龍城豆腐花。

好唔好味我唔識講。坐又坐得唔舒服，又汚漕又熱。最恐怖係個老闆娘，未停過鬧人。食龍肉都冇味，一定冇下次。

食完受氣豆腐花去同學屋企做功課。一齊做好有效率。

兩位 Elsa 玩得真斯文

朋友 16 歲囡囡來玩。因為夠癲，同 CD 好夾。 

玩用粉筆化妝。小心中毒呀。

************************
Last day of K1.

這位是 Miss Tina，學期完便返英國。 

我叫 CD 講 bye bye，佢話唔係 bye bye，係 see you later。

班主任陳老師。 

********************
CD, 放暑假我都要啲自由時間，你繼續上堂啦。 

不會放棄上親例牌喊十分鐘的體操班。

Drama class. 老師都是她的 favorite， 又有朋友一齊上，OK啦。 

睇完 Ballerina 話要學芭蕾舞。 近近哋比佢試試。 

試完堂超鍾意，日日問到星期五未。

希望你唔好貪新鮮，學兩學又話唔學。 

美圖萬歲

唔關我事的畢業禮

剪個靚靚頭。CD 第一次上台表演。 

K3 畢業典禮。K1 and 2 一些攞獎的小朋友，同埋表演的小朋友有份參與。

入場券每人盛惠 $450



同學係攞獎的，CD 就唱歌跳舞。 

要唱完我先搵到 CD 企咗喺左上角。

唱了一首普通話，用埋手語。平時唔多肯唱學校個的 CD 竟然咬字好清。Dondon 聽得出歌詞係乜。兩個月的練習一定軍訓咁。

第二首英文歌。唔識講英文的 CD 記到哂啲歌詞。小朋友的記憶力真強。  

舞台劇 Jungle Babies . 又係搵咗好耐先搵到扮狐狸的 CD。

老師揀了她介紹個舞台劇。我咁就開心了一天。無聊家長！

畢業生擰住花由台上落嚟獻花比父母。與我無關但我竟然喊埋一份。 

各位小朋友上小學了，希望大家開開心心!（都幾難）

平日節目

香港地少人多。 如果周末出街玩真係好逼。 尤其係小朋友地方。 

平日放咗學去玩最好。CD 勝在夜瞓，玩夜場仲少啲人。 

呢個 playhouse 超大。今日來得6/7個小朋友，真暢快。 

彈床無人玩先安全。

啲姐姐吹哂汽球。。。。無人要嘅？

Reading corner 一齊睇書。

玩咗 4 小時先肯走呀。 


***********************

又去免費博物館。


估唔到原來啲小朋友都對中國傳統有興趣。我見到有啲驚囉。

寫願望掛上許願樹。

原來 CD 願望係好多個 tick。  

黐邊個?

不能不承認 CD 係黐到我好實。

4 年來我哋分開得最耐也不過 5 小時。 

但有一個現象。當我們約了朋友時 CD 會突然變了黐Dondon。最好啦，咁我可以同朋友慢慢傾。

同朋友食 lunch。食到一半 Dondon 要返公司。CD 突然變樹熊。

 

跟 Dondon 學打功夫。 

Dondon 去廁所都要黐住唱 "肚痛肚痛哎吔吔"。

有花收多開心。 

公公肯同 CD 玩。

婆婆更有耐性

但要留佢一個人比 Dondon 公公婆婆 CD 就一定唔肯。