繼續 CD

故居的租客退租了，上去 check 吓順便帶 CD 睇吓 Memi 年輕時的居所。 

比石頭擦損了無喊，長大了。 

有人坐在梳化 CD 最鍾意凌空襲擊。

所有朋友生日都無機會吹蠟燭了。點解個個小朋友都鍾意吹蠟燭？ 

好惡的劉 sir。有學生打尖佢會勁丙。但佢好偏心 CD。CD打尖佢笑住話，"傻豬豬，你想玩先呀？嚟啦!" 唔好啦劉 sir，即管鬧！ 

成 9pm 仲陪爸爸游水。

看台關門了，唯有出去踏住單車等爸爸。(係呀，嗰件係睡衣嚟架)。 

愛國者 CD。唱國歌要嚴肅及立正。

又係放學去睇戲。今次睇 Beauty and the Beast. CD 竟然唔驚。 

見都 Belle 會話好 NENG，Belle 同 beast 跳舞 CD 又拍手，beast 比人攻擊佢大叫唔好打獅子。 

幣嘞，希望 CD 唔好變公主。

玩捉迷藏。

點解咁大仲以為你睇我唔到你睇我唔到架？ 

係咪大咗好多呢？

CD 上緊四個課外活動，個個佢都好開心因為唔使坐低。 

上體操要去荃灣。次次坐小巴去我都差啲嘔，但見佢咁開心， 啲同學學又可愛，一定繼續上。 

這天去了玩 crayola， 用頭同四肢畫。那些 staff 都凶凶的， 又無笑容。 一定係全日比啲小朋友玩到好辛苦。 

我朋友 Sasa 好鍾意集郵， 喺街上見到小朋友都要同佢哋影相。 今天她來時 CD 睡了， 瞓覺look 都唔放過。

8888888

Dondon 媽咪打嚟，話 Salina  又唔搞離婚住。 

實際啲比我都唔離。有哂了朋友， 一個人照顧佢又辛苦小朋友又不會開心。 

吃喝玩樂

Dondon 工作超忙，一個星期裡唔係太日見都 CD。Weekend 我一定捉住佢同 CD 玩吓。 

明明啱啱食完麵。經過這間太空 theme 餐廳又要入。

個 waitress sell 砌圖波板糖火箭比 CD。呢餐埋單 $300，仲要只吃了兩啖雪糕。  

食咁多甜嘢，睇牙醫啦。

好彩之前用了數天美化睇牙，CD 冇扭計。

真係有隻蛀了。呢個醫生竟叫 CD 做全身麻醉，導牙筋。 依家的牙醫真係唔太信得過。 一個兩歲多的小朋友要佢全身麻醉我不會考慮。 唯有加緊刷牙希望隻牙不會繼續蛀。 

同 CD 去看看她將來讀的學校 （希望）。 

呢個娘 pose 應該係學校學既。 


成百年的樓梯，唔好跳爛呀。 

放學實要揾啲嘢做。 

這天去 karaoke. 

自己揀歌。 

點了"青蛙媽媽"， 唱到好投入。 

吹波波永遠受歡迎。好開心 CD 終於行同人分享。

我一直無迫同教佢，應該係喺學校多了群體生活學會的。 

第一金

都唔知佢識定唔識。

出街指啲字佢會認到。返到屋企問字咭啲字就亂噏一餐。 

放學成日撞到細佬工人放狗。 CD 異常興奮。 

體操老師有少少偏心 CD，次次搵佢做示範。CD 上呢堂自信心爆澎。 

又有生日 party 了。 

路人甲非常不客氣。 

CD 學校 sports day, 8 am 要 去到馬鞍山運動場。 

搭完長途巴士我嘔到翻艇。

有金牌呀！！

..........全校小朋友人人有份。學校真識做。 

一影完幅相 CD 立即昏迷 4 小時。 

好市民

今日同 CD 食完 lunch，行行吓喺街上見到疊錢。

CD 執起咗我哋等咗一陣無人行嚟認領，CD 就話, "去比消防員。"

行去警局。

入到去 CD 自己行埋去，"消防叔叔，我執到錢。"

警察， "你好乖呀。喺邊道執架？"

CD， "喺地上。"

為免嘥時間，之後問題警察都係問返我。

三個月無人認領那 $520 便是我的了，呵呵呵呵。



有次送完 CD 返學遇到九龍城犀利哥。  

8888888

不出頗多人所料，Salina 提出離婚了。真的很準時。一拿到passport 便即撇。 

上次在 NY Dondon 媽咪已說阿丙同 Salina 好唔掂，我以為佢只係如常見人講人話見鬼講鬼話說是說非，原來堅的。 

暫時只知上緊 court, 坳緊 Salina 可以點羅阿丙啲錢。

以為可以比 Dondon 親身目到大陸女人利害, 佢會學到嘢。點知 Dondon 竟然幫Salina，話阿丙唔係個好老公。

呢個天真漫爛 Dondon，唔睇緊啲點得！ 

K1 決擇

之前提過 CD 初初返學喊得太利害。 

我擔心到暈，加上學校每年只收回60% 學生上 K1， 我連忙幫 CD 搵定出路。

好幸運 CD interview 時都在狀態，報的都收了。  

這時 CD 又習慣了返學，學校亦通知會收她讀 K1。 

其中一間收 CD 的是根德園。受很多家長追捧，所謂的"排名"是全港第二。 學費又比現時學校平。唔使諗了掛？

又唔係喎。 經過兩年反思及經驗, 唔係老套說話，一個小朋友的成長最重要係父母的態度多啲時間陪佢， 比多啲信心佢（雖然亦有人話應該比佢獨立啲唔好成日喺身邊 + 要比吓挫折感）。

每間學校一定有好處唔好處； 每個小朋友適合不同學校； 每間學校有好老師唔好老師；而每個小朋友夾唔夾間學校同老師好講彩數。

小朋友點先開心？屋企人比到信心佢最重要。

根德園注重學術， 出來的小朋友都很 well-disciplined. 對某些家長係好吸引，但我覺未必啱 CD。 

就決定留喺劍鳴啦 - 細班加活動教學，最重要係 CD 依家無抗拒返學了。No looking back no regret.

上美術堂好少乖乖坐低。 

上體操最啱佢。真係可以跑足一小時。 

CD 嘅大朋友多過小朋友

CD 整咗個爸爸

一個大肚臍 armless Memi 

CD 強項：砌 puzzle。唯一佢可以定定地，一個人唔使痴住我的遊戲。仲好快完成㗎

第一次比錢剪頭髮

我細個時一直係姑姑幫我剪頭髮的。 

個冬菇頭 keep 到中三才出去剪。

CD 的頭也是由我操刀。 我用的方法是不理效果一刀過。 

這天經過一間髮廊屋見有小童剪髮。 

問吓 CD 得唔得佢又 OK。 即管試試。 

三分鐘後已要落車。 


抱住佢剪多三分鐘完成。 

承惠 $220. 

完成作品。。。。。同我剪相差不太大啫。