經過多天的驗身驗血同每朝打 4 - 5支針的經歷，終於開始 IVF 真正過程。
星期一早上去醫院。唔比化妝
抽了一筒血，但因我血管幼, 要篤了四針。再照我最怕的 vaginal 超聲波
。醫生話我有四粒蛋蛋.........3 大 1 細。
醫生再加藥針份量，打多一日希望蛋蛋會大啲。
今晚要準時 1:30am 打破卵針，加多明天一針星期三可抽卵，緊張！
見完醫生 Dondon 帶我去我想食咗好耐嘅日本咖哩飯。
食完去行街，買咗兩對比花園街更平的鞋。
"Comfort 晚餐".........去度小月.
睇電視睇到半夜，為安全計都校埋鬧鐘。破卵針係一定要準時打。打後蛋蛋會喺 36 小時後排出。
****************************
星期二，行刑前一天。
Dondon 仲瞓緊，我一早起身打多支針，食埋藥出去買早餐。
清晨的台中市已開始熱鬧。
去了兩檔街邊檔，買了姿飯豆漿肉包上房食。
超足料姿飯
****************************
食完早餐搭地鐵轉巴士去故宮。
今次係 Dondon 第一次嚟台灣，一定要去吓遊客點。誰知博物館內佈滿大陸人，噪音加打尖令我怕怕。
幾多人都好，都排了隊去看翠玉白菜同舊腩肉。
(Dondon 後面好似有個屁股罅，啋!)
Lunch 喺劍潭街邊檔搞掂。
行到士林買了啲無謂嘢， 氹吓自己開心。
夜晚喺士林夜市食。食完今晚開始 16 小時無嘢食了。
排長龍的炸雞扒
等食物時的痛苦 look
先來四小碟。原來我係食唔到臭豆腐，放了一小舊落口即吐。
再出街邊食。
貢丸滷豆腐干滷冬菇，好味。
檸檬蜜糖，好味。
魚蛋，好味。
最後食埋芥末薯條，全部好味。
十二點正開始戒飲戒食。
*****************************
一直上網 check 其他人驚歷的 IVF 過程都痛苦異常，又喊驚又痛又嘔; 有啲屙有啲無得屙; 仲有啲連食都食唔到。她們為了有 BB 真係付出好多。我雖然經歷同一過程，但由頭到尾都無真正驚或痛，又無出現一般針藥藥丸 side effects。
明天是所謂最痛苦的抽卵手術，希望我會繼續勇敢。
男方除了抽-次血外，完全不需有任何付出，但明天有嘢做嘞。可憐 Dondon 比我仲驚。。。。"自行取出" sperm , 再放入樽擰去醫院。佢已經問咗我幾次, "Lala, 點呀?"
我唔理咁多嘞，我自己去醫院先，Dondon 你夠鐘嘔都要嘔到比我，仲要質量好兼準時！
