好大自然啊！

爸爸屈了在 1K 睇 French Open  幾天，今星期六又好天，一於去 Brooklyn Botanical Garden 行行。爸爸一向喜歡花花草草，去到教我哋認識各種花草果實的資料。



爸爸最喜歡盆栽，對種盆栽好有心得，更曾經同朋友翻譯了一本盆栽書。不過最好笑嘅係爸爸種親植物都唔會過兩個月，好似佢養啲魚咁，平衡壽命兩星期。細佬同我都好不孝地成日笑爸爸叫佢"理論式養嘢王"。



媽咪嫌 greenhouse 熱，寧願在外面食雪糕。


絕對係人比花嬌 




*****************************************************************
我哋已成年無去釣魚了，最主要係我嫌貴。今晚 Dondon 自己去參加夜晚 fishing trip。應該六點開船，半夜十二點返到岸，一向啲船都好準時的。夜晚爸爸媽咪同我喺房傾計，一齊等Dondon 返，諗住碼頭只離1K 五分鐘車程，十二點半點都返啦。點知。。。。。等到三點！

打電話又唔通，一開始的時候是擔心多。。。跌咗落海？比人打劫？跟住安慰自己。。。。。一定係釣完魚去食飯，或者喺船度識到朋友去飲嘢。三點聽到開門聲一天光哂。煮宵夜同 Dondon 一齊食，真開心。

 
 
 
 

唔使煮

爸爸媽咪嚟咗, 晚晚唔係出去食就係爸爸煮。正呀! 不過我都無偷懶，洗嘢切嘢都係我，最佳助手。

     

最幸福係邊個梗係手指都唔使郁吓嘅媽咪 & Dondon 啦。

 

忙碌周末

這周末有兩位客人到紐約。




細佬老婆 Betty 來了 Houston 公幹，辦完工飛來 New York 兩天 shopping。 

我同 Betty 感情極佳。我哋同一間中學，我中一已經認識她. Betty 年齡比細佬大，但絕襯。 

接機！
 

每天擘大眼就出發買嘢。晚晚行到舖頭休息先回 1K，最辛苦係兩老。 

去哂我平時買平衫的地方，好抵呀!

 


第一天收穫 ------- 九成買比 BY + LY + SY, 真係好媽媽。 
 


除了行街就係食。Betty 生完三件依然瘦蜢蜢，佢仲食唔少嘢喎。
 
 

 

  
 
 
 
 
 


 
 
  
 

執行李, 完全唔似 business trip！
 

拜拜喇 Betty，五個月後見。
  
 


*************************************************************************************************************
另外一位 guest 係我細個時的偶像淑梅姐。好好笑以前讀書時朋友的偶像都是明星歌手，但我對淑梅姐情有獨中
。 當年我好瘋狂，大時大節好大籃花送去港台，淑梅姐有出席嘅活動我都到場，買埋佢至愛嘅蛋撻等佢。淑梅姐終於被我感動，肯視我為朋友。我諗我喜歡的人都有某些共通點  ------ EQ + IQ極高，好心，善解人意，幽默，重情重義, 家庭觀念重等等。就正如我依家嘅新偶像冬冬。

淑梅姐今次來東岸是為了參加佢女兒畢業禮。佢女兒係我中學小師妹, 今年 MIT 畢業，好叻！



星期日兩為客人都走了。早上見唔到 Betty 已經覺有點失落。七月後爸爸媽咪返香港我一定會憂鬱。 

童言無忌

故事一:
主角 -  BY

有一日 BY 妹妹 LY 著了條公主裙，BY 走埋去話, "妹妹，你唔使着件底衫喺裡面㗎。我見到 Belle 公主都係露出 meme 中間條線㗎，你信我啦。"



故事二:
主角 - BY

細佬一天聽到 BY 細細聲對 LY 講, "妹妹，我哋係兩兄妹，唔可以結婚㗎。 所以大個咗我哋一齊去外國結婚吖。" 細佬話比 BY 聽, "兩兄妹去到邊都唔可以結婚，你錫妹妹就得喇。" BY, "妹妹，咁我哋唔好結婚喇。我哋一齊住好嘞，你就負責生BB啦."

故事三:
主角 - Dondon

話說老闆再催 Dondon要覆佢究竟 Dondon肯唔肯八月過德國總公司做兩個月。Dondon 答:" I'm still thinking about it. We are trying to have a baby. You know with all those timing like ovulation day, fertile period, I'm not sure if I can be gone for that long." 吓？？？？老闆聽到O嘴再爆笑。我以後喺 office 見到老闆都要揾窿捐！