Lala Blog

Sunday, December 11, 2011

1K 整容第一步

Dondon 開始安排裝修1k，全為了將來結婚後，我地會有個像樣點的廚房廁所。

1k 的前屋主是對年老夫婦。他們一定是張畢生買下的東西也留下來，臨臨種種的雜物堆積家內。到 Dondon 搬來他竟然叫前屋主不用掉任何東西，他全盤接收。加上 Dondon 沒有裝修，結果這幾年來 1k 已成為一間破舊歷史博物館 - 由60年代的猶太人餐具，80 年代國內 feel 擺設至現代的電腦音晌，乜都齊。

Dondon 決定裝修後我便開始幫手大掃除。多餘，無用，醜陋，娘，expired 的一概不要。

今個星期丟掉小部份，慢慢來，務求令 Dondon 無 separation anxiety。

星期六買廚房廁所材料。之前做了很多 research，亦好清楚我地要的 style 和顏色。去到店舖先知選擇可其多! 質料顏色設計花款各有各好，眼花瞭亂。

揀完 cabinet 再去Home Depot 買 Dondon 既酒櫃。此酒櫃係我同 Dondon一人買一半比對方既Christmas gift。買完我先諗到 - 笨! 我都唔買唔飲酒既？

中午當然又去飲茶。

12/10/2011 FRIDAY DINNER

牛肉炒蛋

白菜

合掌瓜紅蘿蔔湯

Friday, December 9, 2011

姑 X

都係一兩年前嘅事啫。以前侄仔BY成日會話點錫我點掛住我。今日細佬 send 咗個 video 比我，BY粗粗老老話,

"姑屎，你三月返嚟我會用把刀切哂你啲肉落嚟，嘩哈哈哈!"

我幾時由姑姑變成姑屎?! 仲切我啲肉??!! (crying)

嘻嘻，雖然BY咁講啫，我知佢好錫我嘅。佢同佢爸爸講, "姑姑三月十號返." 佢爸爸問, "你點知？姑姑都未買機票. " BY，"姑姑舊年3月6號返，今年3月8號返，出年咪3月10號囉。"

記得咁清楚, 仲唔係成日諗住我？ (smug)

12/8/2011 THURSDAY DINNER
蕃茄雞肉飯

炸蒜瓣椰菜花

舊竹蔗茅根湯

跟 Jo 姐姐學既燉橙，比咳左幾個禮拜都未好既 Dondon 食。既懶又孤寒的我無用川貝，淨係用蜜糖, 結果. . . . . . . . . . .

Wednesday, December 7, 2011

芭芭拉

芭芭拉由香港嚟公幹。佢係我識嘅朋友最"女強人"一位。芭芭拉依家 head 緊間鑽飾公司，見到佢我講笑, "有無帶 sample 嚟？" 點知佢好認真細細聲咁講, "帶咗一袋。"

原來行規係鑽石一定要帶喺身，仲要係 within an arm range, 咁樣如果比人打劫保險先會賠。但呢個芭芭拉. "嘩，嚟到 New York 要我帶袋鑽石喺身？想我死咩? 幾大都留喺酒店。" 所以見到佢唔洗諗住打佢劫。

公司有個 Christmas toy drive, 捐比 New York Foundling Hospital. 比我預期多。

12/4/2011 SUNDAY DINNER
蒜茸小芥菜

鹹酸菜炒牛肉

竹蔗茅根紅蘿蔔羅漢果湯

12/6/2011 TUESDAY DINNER
魚肉蒸豆腐

美極紹菜

舊西洋菜湯

Sunday, December 4, 2011

一家理論王

爸爸
對養魚好有心得 - 邊種魚適合群體生活，甚麼水溫，甚麼過濾，要多少氧氣，陽光要否充足，用那類缸，要放那種水草等等，好多知識。但據我記憶所及，爸爸養既魚無條長命過一星期。屋企魚缸凋空時間比有住客既時間多。爸爸每兩星期逛金魚街一次，我想那兒的魚一定求神拜彿 - 唔好揀我! (crying)

媽媽
一定係做職業女性做得太耐，成日幻想自己係家庭主婦。每次食飯就發表偉論。自出娘胎見媽咪入廚房煮飯唔多過十次。講真佢蒸魚的確唔差，但每次媽咪用完既廚房都似打完仗，亦會發生好多意外 - 打爛野燒毛巾燒濃煲切手指比蟹鉗，仲有無數次忘記熄火。

細佬
呢位黑仔釣魚發燒友好利害，佢對釣魚的知識真的很豐富。我同Dondon剛開始釣魚都係問細佬例如買邊隻魚杆，那一個時段釣，用邊種餌已至點煮條魚佢都會比晒專家意見。但奈何細佬釣親魚都空手而回，最多都係魚毛仔。

我
呢幾個月鑽研生仔方法，唔係誇張。我對女人生理時鐘的認識已到專家水平，邊種賀爾蒙何時surge我瞭如指掌。何時行房，應該食乜唔應該食乜簡直識背。試過同Donon拋書包 "Dondon，我bbt，CM 同 cervical position 都顯示我在排卵，OPK positive。我地今日BD就好有機會有個BFP"。講就天下無敵，可惜"必"極都"必"唔到一個BB出黎，勞氣。

Dondon 咳得好勁，煲個羅漢果西洋菜湯希望令佢舒服d。