忙碌一周末

仲有四日返香港，買野執野已經好忙，再加上朋友 Daisy 黎 New York 玩，真係唔夠時間用。

Daisy 以前每年來 New York 兩次，全為公事，沒有太多時間見面，佢亦無真正參觀旅遊勝地。今次唔同了， Daisy 可以同我住，去 shopping，睇 broadyway show，參觀 museum，加上天朗氣清，正啊。

Daisy到步第一晚食越南野，食完個個肚痛。

星期五我返工，Daisy 搭車去 Woodbury Outlet，幾個鐘已經。。。。。

星期六Daisy 話要飲茶。比我係香港黎旅行我實唔會揀飲茶。不過佢話D蛋撻好味。

Daisy另一要求 - 打邊爐。晚上約多幾個朋友黎。準備左好多食物，最後清場。

Gloria 帶了甜品，好可惜我對甜野全無興趣。

 

 

星期日行 Soho，睇埋 broadway show。


雖然晚上要訓梳化，但有 Daisy 陪，睡得比平時好十倍。又雖然這 weekend 頻頻撲撲，但有老友探我始終好開心。

拒絕付正價

 

回香港前要完成一個長 shopping list ，暫時已經堆了一個小山。

昨天受香港朋友所托，要買個 Coach，美國買 Coach 比香港平約2-30%.

這朋友走運, 咁啱我有朋友在 Coach 工作，佢呢個月可預留少少 staff discount quota 比我。就係這個 70th anniversary 版。香港賣HK＄4,950，折後只需要US＄200。 好有成功感。買嘢真的不應該比 retail price!

我付出的只是 Hello Kitty 朱古力一盒，多謝朋友慷慨給我 quota



星期日係Flushing見到新開的打邊爐食肆 - 大陸小肥羊，我一定唔會試。

10/2/2011 SUNDAY LUNCH
鮑魚。。。。。菇雞粥    餃子


10/3 2011 MONDAY DINNER
豆豉芥菜牛肉   蒸水蛋     粉葛陵魚湯







10/5 WEDNESDAY DINNER
蕃茄焗豬扒飯   蘿蔔蜆湯

 

 

 

 

 

 

 

 

 

 

心心夢

昨晚 Dondon 大佬送了安之過來，匆忙離開只留下一句，"我們要「搞清潔」，放安之這兒兩小時。他還未吃飯的。" 雖然佢大佬話執屋，但我諗佢地係要做平時安之係到時唔做得既事 - 行房!

o拿o拿聲煮一碗麵比安之。因為安之掛住睇電時半碗都餵左成個鐘。食完麵  Dondon 同安之玩Thomas。呀，玩玩下安之話要大解，十分鐘後完事，Dondon 大叫，" Lala，黎呀，擦屁股呀!" 無陰功~~~


可能臨瞓見完小朋友，晚上發夢見到心心。心心係 blog 友 fatty 既寶貝御用模特兒。係夢裡面我抱住心心，心心太得意，我不停錫佢面珠 dun，到依家仲記得那滑o都o都的感覺。係夢裡見到心心爸爸 CEO 食雪加，我同佢講，"有小朋友就戒左佢啦。" 出場還有心心媽咪，fatty 太，連心心菲傭姐姐都出現，反而無 fatty。梗係啦，平時 fatty 既 blog 只影人甚少影自己，比心心搶晒鏡 lu。

唔知幾時至夢到偶像冬冬呢？到時一定係個綺夢

9/30/2011 FRIDAY DINNER
豆腐牛肉飯戴帽 滷水籮蔔 舊菠菜湯



10/1/2011 SATURDAY LUNCH
終於唔去飲茶。買了鹹豆腐花 餃子8隻 大包2個 ，全部 Dondon 的。 


夜晚去試一間新日本餐廳 River食放題。車情程遠一點，餐廳內難得地多香港人，這一點已令我高興。服務員的態道很好，但可能因為新開，流程多出錯 - 等了一小時才有位，坐下無水無餐牌，order單來了又無筆，漏單情況嚴重，食物到了又無豉油。雖然係咁亦無影響我地心情和食慾。叫左好多，清晒! 賣單連貼士$80。