預祝中秋

Dondon 今朝拆線。


拆完(又)去飲茶。

襯Dondon去剪頭髮我去shopping。Dondon太憎行街，所以好難得今日有半個鐘時間買野。買左條褲比爸爸，玩具比Dondon姪仔安之，背心and 牛仔褲比自己。竟然仲可fit到落size 1，奇績。

 

 

三點要開始準備今晚晚餐。夜晚去Dondon父母屋企預早慶祝中秋同佢爸爸生日。

燒肉醃左兩日。猛毛猛左成個鐘。


鹽焗雞，又係醃左成日。


黃鱔伊麵。
一買要買好大紮韭菜，成$8.99 ，整到雪櫃臭晒。

煮完出發去Dondon 父母屋企。

Salina 細女安同。哥哥安之。


每個星期Dondon哥哥返父母道既工作 - 洗衫摺衫。


 

 

開飯!

 

 

 

 

諗走世伯塞了這本書比Dondon。。。


祝世伯生日快樂!   祝大家中秋節快樂!

家家有本難唸的經

又一偷懶日。11點搞掂工作，下半日放假。同 Dondon 去 Korean Town 食"韓式中國菜"。

好中國的裝修


前菜


我愛厚皮餃子


我的海鮮拉麵，大碗過我個頭，滿足.


佢哋黑猛猛嘅榨醬麵唔啱我, Dondon的.


食完去買禮物比BY／LY／SY


Shopping 完諗住返 Dondon 道瞓晏覺，點知無鎖匙。Dondon 叫我去佢阿嫂 Salina 屋企羅 spare key。上到 Salina 道竟然見到一個慘狀 - 三母子女齊齊喊！最後留喺 Salina 到聽佢申訴至天黑。

Salina 又真係幾陰功，一個人湊兩個，完全無人幫。間屋得一間房，老公淨係打機，個仔無得訓，仲同老豆一齊打啲暴力到爆頭嘅 games。屋企亂，又無嘢食，日日食 Subway，點得呢?

見到一家悽慘情形，我決定叫佢哋夜晚嚟食飯，星期日幫佢湊吓啲細路，希望佢哋情況會好點。

唉， 生仔前真係要好好打算。如果個老公唔生性又孤寒，唔生好過生。

 

謠言

 

有謠言北美分公司賣盤。從蛛絲馬跡來看我諗都幾堅。我係打雜王，就算轉管理層對我應該無影響； Dondon就危危扶，因為佢大部份工作同德國+香港總公司有關係，如果將來美國office 同總公司一刀兩斷佢個位有機會被廢除。

Dondon同我為了慳錢，一星期都係出街食一餐。呢個禮拜因為徙左錢買車呔，整個長假期唔出街食，自己煮。

 

9/4/2011 SUNDAY DINNER
親子井  枝豆  燒茄子  麵豉湯





9/5/2011 LABOR DAY LUNCH
雪菜肉絲麵  花生湯丸


9/5/2011 LABOR DAY DINNER
豉椒蒸排骨  茄汁椰菜  豬骨白菜湯




9/7/2011 WEDNESDAY DINNER
沙嗲雞河

戒

我有一舖不可告人的癮。

過去4-5年，我每天要食葡提子。。。。並非正常人食生果般，我每晚最少食4 - 5磅，完全失控。平時除了午晚餐，若我覺得口痕我便會去雪櫃拿提子。我的雪櫃一年365日都存有提子的。買提子買到成專家，邊d甜一睇就知；擰起一揪即刻可講出幾重。

前排看discovery channel，講一個少女每天飲30罐可樂，另外一個男人每天只吃7個漢堡包。睇完我才知我患的是 "飲食失調症"。不同的是患者不覺自己有問題，亦不願意接受醫治。

我決定要醫好自己 - 我要生活正常d，血糖低d，少d蛀牙，同慳返好多錢。

呢個禮拜我開始我的"戒毒周"。暫時三天無難度，係偶然心郁郁，我會去打機分散注意力。不過身邊有隻魔鬼Dondon，得閒係我耳邊 "咦，Walbumn 提子 99cents 喎。" "嘩，你睇d提子幾紅？一定好甜!" 我好有定力既，我知我會好快痊癒!

9/3/2011 SATURDAY DINNER
豬手麵   豬手蠔豉花生湯

9/4/2011 SUNDAY LUNCH
Dondon 評價 - "豬肉腸未熟，french toast 濕dat dat。"
無問題! 放入微波爐，叮到熟，叮到乾。

烏龍換呔

起身去飲茶。

之後去買啤酒，回程發現爆了後呔。

凶手 - 一粒釘

Dondon換上臨時是啤呔，再去買新呔，諗住返去自己換。








去到Firestone買了呔比了錢，個職員碌左個黑色象膠圈出黎，我問："乜唔係裡面有舊野架咩？" 莫說個staff 唔明我問乜，我自己更加唔知自己想點。

最後都係叫d專業人士幫我地換，免除後顧之憂。

9/2/2011 FRIDAY DINNER

蒸魚  蕃茄炒蛋  冬瓜粒湯