古怪遺傳

屋企兩個男人嘅 dark secrets -

1) 掂到絲襪會發癲。會不停用條俐瀨手指甲。所以全屋女人都知道入屋前係要除絲襪。

2) 唔剪剪手指腳指甲。係大時大節至會用指甲拑，平時淨係用指甲銼。我記得細個會半夜偷偷地潛入房幫佢地剪腳甲，用心良苦。

3) 唔比人掂得對腳。有次我迫咗呢對古怪父子做腳底按摩，一除襪啲長腳甲已經失禮人，開始按摩嘞，我仲以為入錯產房，兩個嗌到拆天咁。唔洗兩分鐘兩父子已經放棄。

上個月係多倫多見到移民40年嘅叔叔。佢太太提起原來叔叔又係有剪指甲恐懼症。 原來呢啲嘢都有遺傳, 好彩傳男唔傳女，我好鍾意剪指甲！

 

星期六飲茶。

炒腸粉我一個人食哂

無里頭叫兩碟牛肉腸粉

夜晚去放題。食完飽到行唔郁。埋單＄75，返黎計吓。 。 食咗過＄200

 

偉大母親

偉大 Joanne 啱啱生咗個女, 開完刀傷口埋得唔好，要日日洗傷口，痛到佢死。生仔已經痛苦，之後仲要有手尾，做媽媽真辛苦。

我買比BB女嘅禮物

 

偉大 Karen 係化妝品公司做高層，每日成10點先放工，比兩個仔仔投訴。經過長時間掙扎終於呢個月辭職。要毅然放棄如日方中嘅事業，真係要有好大決心。

偉大 Judy 個仔一歲。Judy 考緊CPA，讀書好辛苦，又要返工，但仍然堅持BB每餐都食到佢親手整嘅有益又天然嘅食物。無覺好瞓!

 

 

偉大 Jacqueline，小產4次，再加一個懷孕六月時的流產。身體及心靈嘅創傷一定好嚴重。佢依然不放棄，宜加有兩個仔一個女。好有毅力!

 

偉大 Angela 為咗可以做媽咪誡佢最鍾意的凍 sunkist，魚頭煲，爆谷，壽司; 改為日日食維他命丸，牛奶，雞蛋，仲早睡早起。對我嚟講已經算犧牲大囉。

血光日

今日我同Dondon都分別要見醫生。又要抽幾筒血, 一早食定早餐先。

蘿蔔絲酥餅+鮮肉酥餅

恣飯

韭菜盒子

鹹豆漿

Dondon隻中指成日痛，原來有粒神經瘤。安排了八月做手術。

之後我一個人搭亡命小巴出Chinatown睇醫生。睇完去買蠶豆比Dondon。一小袋就$10，唔怪得係香港既優之良品淨係d大陸有錢人先去買。

夜晚為了慰勞我地今日捱過了醫生日 - 打邊爐!

牛+羊肉

雪藏魚片

羊肉

麻辣牛筋

魷魚

牛筋丸+ 墨魚丸

瀨尿牛丸

雜菜

差不多樣樣食物都有層冰。環境麻麻，服務慢吞吞，埋單$75。係呢道都係搵唔到好地方打邊爐。

 

7/10/2011 SUNDAY DINNER

梅菜扣肉

芥蘭

紅蘿蔔青蘿蔔湯

 

 

BY 生日

心肝定姪仔 BY 六歲生日。上星期同朋友仔慶祝過，今日正日同屋企人過。

我較早前寄了禮物返香港。每次總要搭單買少少野比LY，以示公平。

全家福，婆婆都黎埋。成檯生日禮物。

個個都笑到累晒，係SY仍然咁HIGH。

"多謝姑姑!" 我買比BY既Cars Lego。

BY著緊既jersey係佢爸爸買比佢既禮物。BY最新偶像係Dallas Mavericks 既 Dirk Nowitzki。

LY著上"搭單禮物"

爺爺送一本畫簿，希望BY繼承佢劃畫既興趣。

BY，祝你快高長大。。。。噢，都係唔好大咁快，咁姑姑就可以攬住錫你耐D。

監禁一星期

這禮拜Dondon接左我去1k休養。第一日好乖，臥床 + Dondon煮豬肝菠菜湯比我飲。

細佬日日check住，要我當坐月咁坐喎 - 唔比落床，唔比食涼野 唔比飲凍野，24小時著襪戴帽，唔比沖涼洗頭。一到9pm就打電話黎 "熄電腦訓覺!"

夜晚節目就係係窗前等Dondon返

 

隔左兩日我已經唔聽話 - 沖涼洗頭出街shopping吸塵又忍唔住走去煮飯。Dondon 食左兩日Pizza 太陰功了。

 

7/6/2011 WEDNESDAY DINNER

韭菜花豬潤

雞蛋炒飯

章魚節瓜雞湯

7/7/2011 THURSDAY DINNER

燒雞冷麵

 

困係1k度日如年呀，依家希望快d到星期一可以返工，係咪犯賤呢？

 

 

 

我的近況

我最近多吃的

我最近看的書

對了!!

 

驗到後第一個告訴的人是冬冬，很自然的舉動，亦好厚面皮的想冬冬做BB契媽。善良既冬冬知道後比我更開心感動。第二日通知埋細佬家姐。

實在是個奇蹟。過去十年我因為過瘦而失去生育能力，係岩岩去年10 月才有返可受孕機會。加上我去Dondon道過夜只係一星期一次。真係好好彩。

戰戰兢兢過了六星期，壞消息卻發生了。早上發現出血，去睇醫生，等了3個鐘，醫生竟然說照不到胚胎，應該是宮外孕。再抽了8筒血用來證實。醫生話希望唔洗開刀，用打針來幫那細胞排出體外。我呢個時候才張懷孕消息告訴Dondon。

星期五晚過Dondon屋企，晚上11時開始流血不止，Dondon即刻車我去急症室。6小時的診斷，加上各樣插，鑽，篤，吉，醫生告訴我我的懷孕hormone從10,000跌到200，應該是屬於'自然流產'。檢查後流了成床的血，面青青。醫院的護士對我特別呵護，怕我傷心過度。

估不到我的阿Q精神可以如此貫徹始終，我沒有太悲傷，只覺有少少可惜。我同自己講 - "好野，證明我仲生得，等我養好身體，再試!" 可憐的是Dondon。我起碼心理上做了7個星期媽媽，佢就一直被蒙在鼓裡。

冬冬你不用擔心我! 我今朝已恢復快樂心情，上網查緊"何時可再行房"!