我愛香港

返到New York孤令令，濕漉漉，凍冰冰，第一件事寫blog，懷念下過去既2+周。

呢個trip太開心喇。行程緊湊，節目豐富，買野塞滿兩大o急，見既朋友唔多但係全部都係最錫既人，仲一日食足五餐。

觀光summary

家人summary

朋友summary

食物summary

 

 

 

一定要提既係同偶像冬冬既約會。之前真係好緊張。約左冬冬七點晌兆萬等，我六點三個字就去定先。一路等一路腳震震。一見到偶像個刻真係好想攬住佢。我諗平時冬冬放係blog度d相都係高抄既，因為冬冬真人比係相影出黎高好多。而其他方面例如佢既cute樣，性格，智慧，幽默感，語言天份 (lark lark 聲泰文)等等，都係同我心目中picture既偶像一樣。冬冬好客氣，第一次見面就送左條好貴重既手鏈比我，我帶到依家都無除過。冬冬又請我食飯。我名符其實又食又壢，唔好意思呀!

哈，係我地傾得慶高采烈之際，情敵司機叔叔竟然奪命追魂call冬冬喎，仲話要黎搵冬冬。冬冬三兩下手勢就打發左司機。我始終覺得係大廚先襯得起冬冬。

兩個鐘霎下眼就過去。走個時真係有d唔捨得。最衰我怕醜咋，如果唔係實攬實冬冬係街度咀佢。

第二日收到冬冬電話。食飯時我提過我想有bb，可惜年紀太大唔會抱咁大希望。冬冬打比我既目的就係鼓勵我唔好放棄。太感動啦，冬冬心地真係好好，好關心別人感受。你既鼓勵令我係絕望中有返d曙光，我會努力嘗試!

我好珍惜呢段"黃昏之暗戀"同呢位晌我心目中好完美既偶像。冬冬，三月返黎再見，希望到時你同大廚已經終成眷屬!

四婆 之 中半生

我同四婆既重遇係約廿年後發生。

話說我地岩岩搬左去中環。有一次搭行人電梯竟比我遇到四婆。佢當然唔認得我。相認後行下傾下，點解行去同一條街既？點解入同一座大廈既？入到電梯 - o下，噤同一層？原來四婆同個仔一家係我地next door neighbor!

 

我同四婆既友誼就係晌個時開始。

 

四婆同佢新抱好唔岩牙。成日嗌交，仲要係粗口橫飛個隻。好自然我就成為左四婆既聆聽者。我聽既雖然係一面之詞，我都係企晌四婆既一面 - 老人家嘛，點都應該尊重既。

好不幸四婆兒子肺病過身。白頭人送黑頭人。四婆比我想像堅強好多。四婆兩個孫事業有成，一個室內設計司一個會計司。佢地好孝順，第一件事係隔離兩婆媳 - 租左杏花村比四婆，仲請個印傭照顧四婆。

我就個個禮拜搵四婆，同佢行街市，打麻雀，睇大戲，好開心架。我搬黎美國好唔捨得四婆，但係每次返黎都會盡量見多d佢老人家。

仲有好多關於四婆既事。例如佢係90歲高齡先學識打麻雀，但依然贏晒我地；例如佢90幾歲先成為基督徒；例如佢雖然目不識丁但比我地任何人都醒，尤其係粗口既詞彙。真係一個好特別既老人家。

 

四婆下半生唔寫lu，因為佢下半生將會係佢一百歲生日後發生。

 

 

四婆今年100歲生日，我返黎同你吹蠟燭，你要健康快樂呀!

四婆 之 前半生

一直都想寫關於四婆，但又有d怕會寫到 好似一篇懷念過世既人既文章。適逢今年四婆一百歲生日，呢篇blog就代表我對四婆既敬意啦。

 

四婆原名梁四，一個平凡到不可再平凡式的名字。但係四婆一生一點也不簡單。

四婆無受過教育，好後生就嫁了人。生下一仔一女之後，她丈夫便過世。一個寡母婆靠幫人打工捱大一對兒女。

最初四婆係廣州灣一間鞋舖打工。當時那間鞋舖係賣'來老貨'，惠顧客人多數係比較富有。世界幾細呢，當時我爺爺住係廣州灣，係做貿易生意。當時爺爺賺到d錢，所以女麻女麻姑媽都有幫襯過四婆打工那間鞋舖。呢件事係幾十年後先發現架。四婆仲話我知，佢老闆追過姑媽添。

咁究竟我同四婆仲有乜關係呢？

四婆為左賺多d錢，於是帶埋仔女由廣州灣落香港，幫人打工。第一份工就係係我公公屋企打理家頭細務。到左打仗，好不幸四婆個女比炸彈炸死。到依家四婆都好少提個女，只係每次都會話佢個女係比日本仔炸死。

四婆晌公公度幫左手成幾十年，同我婆婆好似姐妹咁，亦睇住個我媽咪大。依家四婆會講好多我唔會係媽咪度聽到既事。例如公公有一段日子沉迷鴉片，婆婆點樣一個人打理屋企同生意。

我記得我好細好細個個陣四婆仲有係婆婆度幫手。雖然成七十幾歲，四婆依然繼續工作。後來有一次佢係樓梯碌落黎跌斷隻手。當時四婆個仔係做電梯生意，上晒軌道，順理成章四婆就退休了。

經過多次搬屋，再加上婆婆健康每況愈下，四婆都無同婆婆聯絡喇。

 

Dondon 奸巴嗲

 

今日公司出左個email，宣佈finance 既阿G升職，會head住Dondon同另一個女仔。

無可否認我睇呢件事點都會帶有偏見，但係平心而論，無論經驗學歷能力Dondon一d都唔輸蝕比阿G。最慘既係阿G之前個位係under Dondon。

Dondon好有風度，乜都無提。但好明顯佢成日都好沉默，好似諗緊野咁。我諗點樣呢個消息對Dondon黎講都係一個打擊。

我唯一做到既就係隻字不提，唔好煩佢，同煮d佢鍾意既食物。希望Dondon會好過d。

11/5/2010 FRIDAY DINNER

臘味蝦米冬菇湯年糕

 

 

 

星期六一早佈置聖誕樹。係早左d。

Lunch又食魚頭煲，仲有大魯麵。

 

食完飽到嘔，走去新開Marshalls行街。一個唔覺意又使左成百文蚊添。

返1k玩大富翁。再睇維多利亞一號。好。。。好好。。。好恐怖呀!!

 

11/6/2010 SATURDAY DINNER

蠔士花生粥

 

星期日去Target 作最後衝刺，終於 買齊晒返香港既shopping list 啦。WOOHOO~~

11/7/2010 SUNDAY LUNCH

Dondon胃口好好。

午餐肉+義大利腸+兩個辛辣麵 with 雜菜粒

用四隻蛋同西蘭花整既奄列

下午茶有白合煲紅豆沙

 

11/7/2010 SUNDAY DINNER

腐竹炆排骨

魚片西蘭花

醃左35日既自製鹹蛋。依然失敗。

紅蘿蔔青蘿蔔湯

 

Dondon加油呀。升唔升職好小事咋，你係我心目中始終係至棒。

 

Ready，get set。。。。

 

開始倒數 - 就快返屋企啦!

呢排頻頻撲撲周圍買野，回鄉探親嘛。 

 

買左d衫比爸爸

日常用品比細佬&媽咪

淋淋瀋瀋比姪仔姪女

保持神秘感手信比冬冬 (依然一廂情願自作多情當一定同偶像見到面)

仲未買完架，個shopping list 仲有水蛇春咁長。希望趕得切完成。暫時已經一o急滿咁濟。自己就帶條底褲算lu。

平時自己返香港，我既target會係shopping 同見朋友。今次同Dondon一齊我地要refocus去。。。食。

列出左幾樣野要食 - 鐵板燒，潮州菜(靈感來自冬冬)，滿江紅，南丫島海鮮(copy自fatty)，自助餐，鹿鳴春，廟街打邊爐with my favorite脆肉鯇魚等等。

好緊張!

 

1/1/2010 MONDAY DINNER

豬扒飯 with 鴛鴦汁

French onion soup。唔正中版，用左chedder cheese

食完問Dondon鍾意豬扒飯邊隻汁多d，佢反問: "乜野兩隻汁呀？"

哈哈，甜酸汁同黑椒汁都分唔出喎。所以我煮d野幾差Dondon都會幫我清晒架。

 

11/2/2010 TUESDAY DINNER

洋荵咖哩魚柳

豆腐乾白菜

節瓜鹹蛋肉片湯 (Dondon comment - "鹹!" 但飲晒成碗)

11/3/2010 WEDNESDAY DINNER

濕炒牛河 (Dondon comment - "油!"但食晒成碟)

清埋琴日淨既白菜and節瓜湯

木瓜雪耳糖水