暗戀冬冬

死喇，估唔到我會愛上另一個人架，真係對唔住Dondon。

我暗戀對象係晌yahoo blog遇到既冬冬。誤打誤撞入左去睇佢個blog。一發不可收拾，睇到停唔到，一路睇一路笑到KAKA聲，從中仲學到同體會到好多人生哲理。

太鍾意佢啦 - 幽默，聰明，神秘，表達能力高，中英文好，有遠見，有見地，不隨波逐流，純真得黎思想成熟，可愛，一副青春少女look但又人生經驗豐富，正氣凜然，肯自嘲。。。。。哎呀，第一次咁欣賞一個人，真係回復細個暗戀一個人既感覺。

我又上佢個blog gup gup 先。

Dondon's promises

On 9/7/2010 Dondon said this when I asked him if we are going to have kids.

No pressure la. I am happy as long as you are with me. :D

Besides, with my brother's 2nd one coming, we won't have anything left from my parents. :P

為Dondon改變

星期一難得放假。呢度美國d公眾假期唔多，但我依然對佢地毫不認識 - labor day，president day，memorial day, columbus day - 又唔知celebrate 乜又唔知幾時放。唔理咁多lu，總之今日可以訓到黃朝白雁。訓醒同Dondon去Uncle Bill 食big breakfast。呢d deli 仔細細間但係永遠full house。

食完返1k睇左半齣法國打仗電影，出發去Dondon 爸爸媽咪屋企，送兩老去JFK。返上海成個月，仲去台灣一個星期，真開心。

送完佢地就繼續係1K 睇戲。

9/6/2010 MONDAY DINNER

雲耳雞蒸荷葉飯

蠔仔煎蛋

鮑魚菇豆苗

花旗參湯

片片西瓜

哈，明明話7點開飯。6:45仲見你係到食豬腸？7:30仲係廁所磨既 ？我好怕D送攤凍晒。比著以前肯定發脾氣。今時唔同往日lu。有時煮完叫Dondon襯熱食唔好等我。洗完碗半個鐘頭出黎 - o下 ？仲打緊機 ？!  我都唔嬲 - 飽得濟食唔晒咪留聽日囉，d 送凍左咪整返熱或者有得佢凍食囉。

勞工日long weekend

星期六訓到差不多12點先起身，清潔吸塵之後Dondon就黎接我，本來又食我地個例牌weekend魚頭煲，但Dondon話唔想太油膩喎，於是去麗心茶餐廳，叫shrimp cocktail 同'絕不油膩'既 - 濕炒牛河。Dondon嫌個shrimp 唔夠新鮮，話似擺左成個禮拜咁。

食完去marathon grocery shopping。Pathmark，Key Foods，大中華。買左好多野，壢都壢到手軟。好彩Dondon負責個30支啤酒同個大西瓜。返到黎仲要做laundry，又要煮飯，好累。但係諗諗下個個家庭主婦都係咁架啦，仲要照顧d細路。Dondon肯幫咁多手我應該算好彩。

9/4/2010 SATURDAY DINNER

蒸荀殼魚

炒豆苗

洗左條蟲出黎喎，肥O都O都好得意

蘿蔔牛肉湯

粒粒西瓜

 

星期日訓到11點。琴晚個頭痛到死，仲驚自己腦膜炎，即刻查病徵。食左粒advil 好好多。訓醒同Dondon大掃除，清潔完又黎

 

去Walbaum買d cereal 就返1k 睇戲，我又訓。呢d訓完食食完又訓既生活太岩我啦。

9/5/2010 SUNDAY DINNER

蠔士排骨粥

用雞蛋菜蝦米仔冬菇炒米粉

比D粥碌親，起左粒朴朴

粒粒西瓜again

大颱風到

失禮人。住晌呢度，但係對於美國既一切新聞毫不知情。有乜hit既歌呀，電視呀，一概不知。睇襯戲又唔知邊個打邊個。反而香港既消息就差不多real time 知道，連電視劇集都同香港人同步睇。電台呢？梗係即時收聽啦。仲有我香港d 8 家人朋友周不時即場報導，我直情係好似住晌香港咁。

好似今次香港打風，我完全知晒佢既去向同發展。

反而今日爸爸打電話黎問 "你地weekend 有個風喎。"

我問 "乜風呀？"

爸爸 "好犀利故喎。"

即刻問Dondon。Dondon 話 "係呀，category 5 呀!" 我仲混淆 "乜野係category 5 呀？" 原來差不多10號風球咁勁。但我依然覺得與我無關，激唔激死 ？

與其叫我無知膚淺，請讓我稱自己為"身在美國，心在香港"

9/2/2010 THURSDAY DINNER

湯年糕，係Dondon版。我完全無聽過 - 用臘肉白蘿蔔蝦米煮。

面豉煮矮瓜，晌上面放左d目魚乾

星期五labor day 前half day Friday。聽下風show快活人，打下機就放得工。同Dondon返Flushing，去左白熊買紅油炒手+雲吞，再去隔離買好耐都買唔到既滷水豬肚。白熊呢間舖幾搞笑，細細間柄埋一邊，招牌又話係travel agent。兩公婆應該係北方人夾手夾腳又幾好生意。

成個下晝睇戲

9/3/2010 FRIDAY DINNER

金針雲耳蒸雞

魚露煮椰菜花雜菜粒

花旗參惟山圓肉排骨湯

粒粒橙

依然風平浪靜既 ？個風呢 ？

2010 再一巨獻

2010 對我黎講係人生中最成功既一年 - 洗牙，剝牙，考車，醫好vaginismus 已至今日一早發現既大好消息 - 我失去十年既大姨媽返黎啦!!!

心裡面暗暗希望有BB，依加夢想跟距離現實又行近左一大步!

我實在好以自己為榮。

被放逐

9月1號，一個令我喊足19年既日子。希望呢代既學生哥唔會好似我地以前咁驚返學啦。

2010 既9月1號對我黎講都麻麻。又係自己衰既，d licensees 黎開會個時遇著我心情不佳，比晒面色人睇。終於報應到。比佢地晌老細面前篤背脊。老細又幾有創意喎，send 我落舖 "學習front line 既customer service"。估唔到幾十歲人老貓燒鬚。上兩個禮拜去左一日Soho 舖同34th Street 舖，要同 area manager 去。真係戇居居，棟晌度連對手放晌邊都唔知。渡日如年呀。捱到4點鬆人。拖下拖下的起心乾今日搞掂埋佢一了百了。今日去Time Warner 同 Rockefeller Center 舖，area manager 無跟黎，發達。

10 點施施然先到，搵左manager on duty，打聲招呼，係咁易行左兩個圈走頭。

30 分鐘咋，哈哈哈。跟住去左好耐無去過既upper west side

經過以前住個道

再去Barnes and Nobles 睇書嘆咖啡。12點半Dondon打電話黎話同我食lunch。去左midtown間拉麵舖。大碗到丫。

食完去Rockefeller。

嘩，仲正，連manager on duty 都唔晌到。係死無對正之下，我一個翻身奪門而出，2點半就開始shopping，行到leg 軟，於是去library 歇歇。一到五點Dondon call 到 - 回家去!

講真，有乜可能expect 我同舖頭d staff 學野丫。試問一個打左十幾年工既中女，點會屈服架。下次班licensees 再黎睇下我點炮製佢地，學是非丫拿。

9/1/2010 WEDNESDAY DINNER

返兜西蘭花洋蔥牛肉

豆豉百合青椒雞粒

湯就reheat 隔夜薯仔蕃茄炸魚片湯，加左左少少薏米

有粒粒火龍果食