MISSY

一路都想養返d小動物。貓貓狗狗就咪搞喇，平平地養返條魚先。連缸連沙連草連魚都係$15。d魚糧反而仲貴，一包仔就$7。一日食兩餐，每餐4lup。Missy, 慳d食喇。

嘔心瀝血的裝修日子 - 2

裝修期間搬左去dondon度住。初時梗係唔慣。但係經過dondon既驕縱到最後有d唔想搬走。

我地每日一齊放工，搭車，買送，煮飯，食飯，睇戲，訓覺。朝早我又會整定早餐比dondon，自己會早d出門口。雖然我同dondon返同一間公司，但係我係個種遲到一分鐘都唔安落個種，而dondon就係話知你個種。唯有分開出發喇。由1k行去subway都要15mins。比起係subway只有一街之隔既6k，當然好唔同。2月仲要落大雪喎。但係過左1個星期我已經開始愛上每日既flushing晨運。

依家搬返6k勒，但係呢兩個月同dondon同居既日子我永遠都會記得。

flushing 晨運連環圖

 

 

嘔心瀝血的裝修日子 - 1

 

係2009年6月開始呢個艱辛旅程 - 同building個board  申請 6k 廚房同廁所既裝修。期間有詭又拜，終於大半年之後批左。晌呢半年好好彩我既contractor好有耐性。之後既工作都唔簡單 - design，quote 價，買料，執野，全部都唔係想像中咁易，又怕做錯決定，又怕買錯野，到最後我連價錢都豁出去，但求快快趣趣搞點。contractor 話8-10 星期ok。我日日都有返去監督架。得一個worker，雖然weekend唔開得工，但又幾快手。好彩d doormen 亦無為難我。

clear 晒d 傢俬，2010年2月17 日開工大吉!

材料逐日送到

 

恐怖舊廁所，可以借出黎拍saw 6。成30年前架啦。

拆卸中。

恐怖舊廚房, 亦係30年前為同個building一齊出世。

拆卸中。

tah dah! 用左9個月，$22000，同好多心血。。。

勇敢的3日假期

以前既lala係超細膽 - 怕痛怕醜怕鬼怕事，總之就乜都驚餐齙。黎左美國之後因為無人可依賴，迫下迫下就越黎越大膽。剝智慧齒晌幾年前係絕對唔會發生既時，提都唔提得架。

上星期被迫放3日假。諗住有三日weekday放，旅行又太短，於是的起心肝做d平時weekday 唔會做既野。

第一即擊就去睇牙醫。嘩，唔睇尤自可，一睇就要剝3顆智慧齒，仲有隻係impacted，大手術呀。我諗都唔諗就扑鎚啦。唯一 concern 係$ 。好彩insurance cover 大部份，我只要比$370。

今日大日子，輕輕鬆鬆一個人去。醫生幫我打左支針就失左知覺，好似斬左一下眼就醒返。個過程只係一個鐘，再晌診所recover 多一個鐘就歸家。我好衰，呃醫生會搭的士，我哩個孤寒鬼點會丫。其實大家真係唔好搏，wing wing 地搭地鐵好危險架。

我仲去shopping 添。痛又唔痛，面又無腫。上天一定係好照顧我啦。

係clinic等緊入手術室 。

做完出黎等清醒

我今日既lunch 同dinner -

無面腫

恐怖係恐怖d，唔理，照post。棉花要每30 mins 換一次。

 

好勒，勇敢第二擊係乜哩？唔好笑呀 - 係去考車牌筆試呀。我以前晌minnesota已經有牌，晌香港亦一直有楂車。可惜我係香港既時候跌左個牌，已0係new york 佢又唔比人用香港牌換new york 牌。本來一早我就應該考返架喇。但係我有個童年陰影 - 係minnesota我考左4次至pass! 簡直成為世界失敗紀錄。終於經過一翻心理爭鬥，我再次拿起d  notes 黎讀，用左2日，背d figures 背到死死下。以前既excuse係筆試只可以weekday考，我要留返d假返香港。呢次無得賴囉。

考試個日天色粉暗，又落大雨，慘過行刑。我諗我係一個好怕輸既人，唔肯面對失敗。晌dmv 等左2 hours 先排到隊邏form。到啦到啦，坐低，睇下d 題目。。。。。"見到紅燈應該1)衝過去2)撞抵d人3)停" "飲酒會1)令你清醒2)失最去判斷能力3)無影響" huh？咁都得 ？結果我僥倖pass 左，開心過中獎!  又睇下我幾時撩起條根考埋我個road test 先。

呢三日假真係放得好有意思。

中學同學聚會

我地個年代個個出國流留學，畢業後有D選擇留低，一D就返香港。幾年之後會流返香港越黎越多。晌NEW YORK 既可以話人丁單薄。原本都多D架，而家就得返個我地幾丁。今次就當係新年團拜，打個邊爐先。CELINE 同  GLORIA 買左DESSERT，ADRIENNE 就買酒。傾傾講講咁就一晚，希望第時多D機會見啦。

 

恭喜susanna喬遷之喜

不嬲快手快LEG既SUSANNA用左3個WEEKEND睇屋就買左樓。搬屋完全為左BB。搬到老遠，一D最好既校區 - CHAPPAQU。D有錢人一次過比CASH 呀，$70K。自始呢對晌MANHATTAN返工既夫婦就要5點起新，長途跋涉又搾車又搭火車返工啦。BB，你父母一遍苦心，你要生生性性啦。

新年點滴